کەسوکاریان چاوەڕێن
کۆچبەرە گەڕێندراوەکانى لیبیا دەگەنەوە ئیدارەى راپەڕین
964+
وریا فەتاح
ژمارەیەک لە کۆچبەرە دەستگیرکراوەکانى لیبیا گەیشتنەوە کوردستان و بڕیارە هەر ئەمڕۆ بگەنەوە ئیدارەى راپەڕین کە زۆربەیان دانیشتووى سنوورى قەڵادزێ و حاجیاواو ژاراوەن.
ئەبوبەکر حوسێن، باوکى یەکێک لە کۆچبەرەکانە و لە دەروازەى رانیە چاوەڕێى گەیشتنەوەى کوڕەکەیەتى کە ماوەیەکى زۆر بوو لە لیبیا زیندانى کرابوو.
ئەو قسەى بۆ 964 کرد و وتى،”کوڕەکەم 5.7.2025 بەرەو لیبیا بەڕێکەوت، بەڵام لەوێ لە ئاودا گیران و خرانە زیندانەوە”.
وەک باسى دەکات، دۆخ و گوزەرانى کوڕەکەیان لە زیندان زۆر خراپ بووە و برسى و تینو بووە.
بەوتەى ئەبوبەکر حسێن، یەکێک لە هاوڕێیانى کوڕەکەى لە زیندان گیانى لەدەستداوە، هەر بۆیە وەک دەڵێت: ئەمڕۆ زۆر دڵتەنگم کە کوڕەکەى من دەگەڕێتەوە، بەڵام دایک و باوکى ئەو کوڕە، چیتر کوڕەکەیان نابیننەوە”.
پێداچوونەوە : وریا فەتاح
40 کۆچبەرەکەی لیبیا گەیشتنەوە هەرێمی کوردستان
وریا فەتاح