زانکۆی سەڵاحەدین لە هەولێر - وێنە: راگەیاندنی زانکۆی سەڵاحەدین
فۆڕمی راستەوخۆ پێشکەش بکەن
سێ کۆلێژی زانکۆی سەڵاحەدین کورسی خوێندنی لێ ماوە
964+
ئەحمەد مستەفا
زانکۆی سەڵاحەدین – هەولێر، لەرێگەی بەشی راگەیاندنەوە بڵاوی کردەوە، کە سەرجەم دەرچووانی پۆلی 12ـی ئامادەیی ئاگادار دەکاتەوە دەتوانن سەردانی سێ کۆلێژی زانکۆکەیان بکەن بۆ وەرگرتنی فۆڕمی راستەوخۆ.
ئەو کۆلێژانە کورسی بەتاڵی تیایە.
سامان عەبدوڵا، بەڕێوەبەریراگەیاندنی زانکۆی سەڵاحەدین – هەولێر لە رێگەی بڵاوکراوەیەکی زانکۆکەوە، کۆلێژ و بەشەکانی بۆ رای گشتی بڵاوکردووەتەوە.
کۆلێژی زانستە ئەندازیارییە کشتوکاڵییەکان – سەرجەم بەشەکان.
کۆلێژی زانستە ئیسلامییەکان – بەشی وتارخوێنی و ڕاگەیاندنی ئایینی.
کۆلێژی ئاداب – بەشی فەلسەفە و شوێنەوار.
سامان عەبدوڵا دەڵێ، پێویستە داواکار ناوی لە هیچ شوێنێک نەگەڕابێتەوە و بەپێی رێنمایی وەرگرتن بۆ ساڵی 2025 – 2026 مامەڵەیان لەگەڵ دەکرێت.
دەرچووەکانی زانکۆی چەرموو هەفتەی داهاتوو بڕۆن رۆب و کڵاوەکانتان وەرگرن
