زۆرترین رووداوی تێدا رودەدات
لۆفەکەی سپیلک بووە بە بەڵای شۆفێران
+964
ئاکام غەفور- سۆران
یەکەم لۆفەی سپیلک رۆژ نییە روداوی هاتوچۆی لێ نەبێت، هەرچی دێت ناگەڕێتەوە و خۆی دەکێشێت بە راگری تەنیشتی رێگاکە.
لۆفەکە دەکەوێتە کۆتایی جوتسایدی سپیلک، شۆفێران کە لە خەلیفانەوە بەرەو هەریر دێن بە خێرایێکی زۆر لێدەخوڕن، تەنها لە دوو رۆژی رابردوو چوار روداوی هاتوچۆی رویداوە لە پێچەکە، بەشی زۆری روداوەکانیش لە دەستدانی کۆنتڕۆڵە لەلاین شۆفێران.
محمەد سدیق، شۆفێری تەکسیە و بۆ 964 دەڵێت،” رۆژانە بەم رێگایە هاتوچۆ دەکەم کەم جار هەیە نەبینم لێرە روداوی هاتوچۆ رووی نەدابێت، ئەگەر لۆفەکە فراوانتر بکرێت ئەوە روداوەکان کەم دەبنەوە”.
مفەوەز دلێر عەلی، رێپێدراوی هێڵکاری لە هاتوچۆی هەریر، بە 964ـی وت، هەر کاتێک پەیوەندیمان پێوە دەکرێت بە بوونی روداوی هاتوچۆ لە پێچەکانی سپیلک پێش هاتنمان دەزانین روداوەکە لەو لۆفەیە، شۆفێران بە خێرایێکی زۆر دێن ئەمەش هۆکاری ئەو هەموو روداوی هاتوچۆیەیە.
پێداچوونەوە: توانا نەقی
