"مەرجی سەلامەتی تێدا نەبووە"
ئاگری کارگەکەی سەر رێگای هەولێر – کەرکوک کۆنتڕۆڵ کرا
964+
رێباز خدر – هەولێر
ئاگری کارگەکەی سەر رێگای هەولێر – کەرکوک کۆنتڕۆڵ کرا و بەرگری شارستانی هەولێریش دەڵێت، کارگەکە مەرجی سەلامەتی تێدا نەبووە، بۆیە تووشی ئەو رووداوە بووە.
لەسەر رێگای هەولێر – کەرکوک ئاگر لە کۆگایەک کەوتەوە
نزیک کاتژمێر 1ـی پاشنیوەڕۆی ئەمڕۆ دووشەممە 13.10.2025 لەسەر رێگای هەولێر – کەرکوک و بەدیاریکراوی لەسەر رێگای قوشتەپە – بێستانە، ئاگر لە کارگەیەکی کەلوپەلی کارەبایی کەوتەوە و بەهۆیەوە سێ کۆگا سووتان.
کەمێک لەمەوبەر تیمەکانی بەرگری شارستانی هەولێر ئاگرەکەیان کۆنتڕۆڵ کرد و شاخەوان سەعید وتەبێژی بەڕێوەبەرایەتییەکە بە 964ـی وت، “کارگەکە مەرجەکانی سەلامەتی تێدا نەبووە، بۆیە تووشی ئەو رووداوە بووە.”
ئاماژەی بەوەشکرد، تا ئێستا زیانەکانی ئاگرەکە بە وردی نەزانراون و لێکۆڵینەوەکانیان لەوبارەیەوە بەردەوام دەبێت.
پێداچوونەوە؛ شۆڕش قادری
