خێرایى با زیاد دەکات و تۆزوخۆڵ بەرز دەبێتەوە
ئەم دوو رۆژە چاوەڕێى باران مەبن؛ پلەکانى گەرماش بەرز دەبنەوە
964+
وریا فەتاح
کەشى ئەم دوو رۆژە بەهۆى خێرایى با و بەرزبوونەوەى تۆزوخۆڵ ناجێگیر دەبێت، لەگەڵ ئەوەشدا پلەکانى گەرما بەرز دەبنەوە.
کەشناسى هەرێم پێشبینى کردووە بۆ ئەمڕۆ دووشەممە، ئاسمان پەڵەهەور بێت و ناوچە شاخاوییەکانیش نیمچە هەور بێت، بەڵام بارانى لەگەڵ نابێت.
روونیشى کردووەتەوە، خێرایى با بۆ سەرووى 20 کیلۆمەتر لە کاتژمێرێکدا زیاد دەکات و دەبێتە هۆى بەرزبوونەوەى تۆزوخۆڵ بەتایبەت لە سنوورى پارێزگاى هەولێر و کەرکوک و بەشێک لە ئیدارەى گەرمیان.
لەبارەى پلەکانى گەرماوە، کەشناسى ئاشکراى کردووە کە 1 تا 2 پلەى سیلیزى پلەکان بەرز دەبنەوە.
بۆ سبەینێ سێشەممە 14.10.2025، ئاسمان ساماڵ دەبێت و پلەکانى گەرماش هاوشێوەى ئەمڕۆ دەبن.
بەرزترین پلەکانی گەرمای پێشبینیکراو بە پلەی سیلیزی بۆ سبەینێ سێشەممە بەم شێوەیەیە:
هەولێر : 31 پلەی سیلیزی
سلێمانی : 30پلەی سیلیزی
دهۆک : 30پلەی سیلیزی
زاخۆ : 32پلەی سیلیزی
ئامێدی : 28پلەی سیلیزی
ئاکرێ : 30پلەی سیلیزی
کەرکوک : 32پلەی سیلیزی
هەڵەبجە : 29پلەی سیلیزی
سۆران : 31پلەی سیلیزی
حاجی ئۆمەران : 22پلەی سیلیزی
گەرمیان : 36پلەی سیلیزی
