هەولێر
لە دوو رووداوی هاتوچۆدا دوو ماتۆڕسوار گیانیان لەدەستدا
964+
عەبدولعەزیز خالند – هەولێر
لە دوو رووداوی هاتوچۆ و لە دوو گەڕەکی جیاوازی هەولێر دووکەس گیانیان لەدەستداوە کە هەردووکیان ماتۆڕسوارن.
رووداوێکیان لە شەقامی بەختیاری بووە رووداوەکەیتر لە ناحیەی کەسنەزان بووە و لەدەرنجامدا دوو کەس گیانیان لەدەستدا.
ئارام نەجات، بەڕێوەبەری پزیشکی دادی هەولێر بە 964ـی وت، ئێوارەی ئەمڕۆ دوو تەرم گەینراوەتە پزیشکی دادی و هەردووکیان شوفێری ماتۆڕسکیل بوونە و رووداوی یەکەم لە کەسنەزان و رووداوی دووەم لە گەڕەکی بەختیاری بووە.
وتیشی، لە رووداوەکەی بەختیاری ئەو کەسەی گیانی لەدەستداوە تەمەنی سەروو 20 ساڵان بووە، لە رووداوی کەسنەزانیش گەنجێکی بەنەتەوە عەرەب بووە، توێکاری بۆ تەرمەکانیان ئەنجامدراوە و رادەستی کەسوکاریان کراوە.
پێداچوونەوە : توانا نەقی
