تا 40 ملیۆن دیناری تێدایە
مەڕەکە کەڕەکان لە ناوچەی زرارەتی فێستیڤاڵیان بۆ کرا
964+
عەبدولعەزیز خالند – هەولێر
یەکەمین فێستیڤاڵی ناساندی مەڕی کەڕی کوردی لە گوندی رەشوانی ناوچەی زرارەتی هەولێر بەبەشداری 29 مەڕدار بەڕێوەچوو، کە لەناوچە جیاوازەکانەوە هاتبوونە زرارەتی.
لەوێ مەڕی شین و سپی خواستی لەسەربوو، نرخیان لەنێوان پێنج بۆ شەش ملیۆن دینارە.
ئاژەڵدارەکان، کە هەریەکێکیان چەند جۆرێکی مەڕییان نمایشکردبوو و جۆری مەڕی کەڕی کوردیش بە موڵکی کورد دەزانن.
یەکێک لە مەڕدارەکان بە 964ی وت، ئەمە مەڕی کوردی رەسەنە و تورکیا و ئێران دەیانەوێ لێمان بەرن، نرخیشیان گرانە و بۆ جوانی زۆر کەس رایدەگرێت و نرخیشیان لە دوو ملیۆن دەست پێدەکات تاوەکو 40 ملیۆن دینار.
پێداچوونەوە: ئەحمەد مستەفا