بەشی کۆنتڕۆڵی کارەبای هەرێم - وێنە؛ وەزارەتی کارەبای هەرێم
بۆ مانگی هەشت
“نیوەی هاوڵاتیان کەمتر لە 27 هەزار دینار پارەی کارەبای 24 کاتژمێریان بۆ هاتۆتەوە”
964+
شۆڕش قادری
بەپێی داتاکانی وەزارەتی کارەبای هەرێم، بۆ مانگی هەشت نیوەی هاوڵاتیانی کوردستان کەمتر لە 27 هەزار دیناریان بۆ کارەبای 24 کاتژمێری بۆ هاتۆتەوە و خەڵکی سلێمانیش زیاتر لە هەموو ناوچەکانی کوردستان، دەست بەکارەباوە دەگرن.
وەزارەتی کارەبای هەرێم داتایەکی بڵاوکردووەتەوە و دەڵێت، خۆشحاڵە بە دابەشکردنی پسوولەی کارەبای مانگی هەشت بۆ هاوبەشانی ماڵان و بازرگانی لە چوارچێوەی پڕۆژەی رووناکی کە تیایدا هاوڵاتیان کەمترین پارە دەدەن.
پسوولەی کارەبای 24 کاتژمێری کە لە مانگی هەشتدا بۆ هاوڵاتیانی شاری سلێمانی هاتۆتەوە، کەمترینە لە سەرتاسەری هەرێمی کوردستان.
خشتەی یەکەم: بڕی پسوولەی نیوەی هاوڵاتیان و شوێنە بازرگانییەکان بۆ مانگی هەشت لە پڕۆژەی رووناکی کەمترە لە:
کوردستان
ماڵان: 27،000
بازرگانی: 79،000
هەولێر
ماڵان: 37،000
بازرگانی: 88،000
سلێمانی
ماڵان: 15،000
بازرگانی: 72،000
دهۆک
ماڵان: 38،000
بازرگانی: 67،000
خشتەی دووەم: ژمارەی هاوڵاتیان و شوێنە بازرگانییەکان لە پرۆژەی رووناکی بەپێی شارەکان:
کوردستان
هاوڵاتیان: 3،770،000
شوێنە بازرگانییەکان: 120،000
هەولێر
هاوڵاتیان: 1،935،000
شوێنە بازرگانییەکان: 61،000
سلێمانی
هاوڵاتیان: 1،345،000
شوێنە بازرگانییەکان: 35،000
دهۆک
هاوڵاتیان: 351،000
شوێنە بازرگانییەکان: 20،000
هەڵەبجە
هاوڵاتیان: 139،000
شوێنە بازرگانییەکان: 4،000
تا ئەمڕۆ نزیکەی چوار ملیۆن هاوڵاتی کە دەکاتە زیاتر لە ٪50ـی هاوڵاتیانی کوردستان، کارەبای 24 کاتژمێرییان بۆ دابینکراوە کە بڕیارە تا کۆتایی ساڵی 2026 هەموو کوردستان سوودمەند بێ لەو کارەبایە.
بەپێی داتاکانی پڕۆژەی ڕووناکی، ٪80ی هاوڵاتیان، بەتایبەتی کەمدەرامەتان، پارەیەکی کەمتر دەدەن لە جاران بە بەراورد بەو پارەیەی پێشتر دەیاندا بۆ کارەبای مۆلیدە و کارەبای نیشتمانی.
کارەبای 24 کاتژمێری کارگەکانی غازی لە سلێمانی چالاککردووە
