هێزەکان سوریای دیموکرات ئاڵاکەیان لە ناوچەیەکی رۆژئاوای کوردستان هەلکردووە - فۆتۆ: AFP
لە رۆژئاوای کوردستان
داعش جوڵەی هەیە و لە تەبقا 22 گومانێلکراو دەستگیر کران
964+
ئەحمەد مستەفا
لە سنوری شارەدێی دێرحافر لە تەبقا تەقینەوە روویدا، دواتر هێزەکانی ئاسایشی ناوخۆی باکوور و رۆژهەڵاتی سووریا “رۆژئاوای کوردستان” بڵاوی كردەوە، ئۆپەراسیۆنێكیان ئەنجامداوە و تێیدا 22 گومانلێکراویان دەستگیر کردووە و دەست بەسەر ژمارەیەک چەکیشدا گیراوە.
ئەوە لە کاتێکدا جوڵەی گوماناوی چەکدار و هێز هەبووە لەو ناوچانە، کە تایبەت چاوەکە لەسەر چەکدارانی داعشە.
ناوەندی راگەیاندنی هێزەکانی ئاسایشی ناوخۆی باکوور و رۆژهەڵاتی سوریا دەڵێ، دەزگا ئەمنییەکان و هێزەکانی “دژەتیرۆر” ئۆپەراسیۆنێکی ئەمنییان لە کانتۆنی تەبقا دژی گومانلێکراوەکان ئەنجامداوە، لە ئەنجامدا 22 کەس دەستگیرکران و دەست بەسەر بڕێکی زۆر چەک و تەقەمەنی و کەرەستەی سەربازی و ماددەی هۆشبەردا گیراوە.
دەشڵێ، چوار کڵاشینکۆف، چەکی ڕاوکردن، 28 مەخزەنی کڵاشینکۆف و 523 گولـلە و ڕەخت و چوار بۆمب، یەک شمشێر و خەنجەرێک دەستی بەسەردا گیراوە، هەروەها دەست بەسەر کیلۆیەک و شەش گرام کریستال، کیلۆیەک حەشیش، 40 حەپی ترامادۆڵ و 92 هەزار و 720 حەپی کاپتاگۆن و ئامێرەکانی بەکارهێنانی ماددەکەدا گیراوە.
ئەوەش لەكاتێكدایە، ڕۆژی 22ـی ئەم مانگە سنوری شارەدێی دێرحافر لە سنوری تەبقا لەلایەن چەکدارانی حکومەتی کاتی دیمەشقەوە کرایە ئامانج، دواتر هێزەکانی ئاسایشی ناوخۆی باکوور و ڕۆژهەڵاتی سووریا ئۆپەراسیۆنێكیان ئەنجامدا.
