خێراییهكانتان كهمبكهنهوه
بۆ ساڵى نوێی خوێندن هاتوچۆى ههرێم چهند داواكارییهكى ئاڕاستهى شۆفێرانى ههرێمی كوردستان كرد
964+
فهرهاد حهسهن
هاتوچۆى ههرێمى كوردستان بۆ ساڵى نوێی خوێندن چهند داواكارییهكى ئاڕاستهى شۆفێران كردووه، رهچاوكردنیان بۆ خێرایی لێخوڕینیش له داواكارییه سهرهكییهكانیهتى.
بەبۆنەی کردنەوەی دەرگای قوتابخانەکان و وەرزی خوێندن لە هەرێمى كوردستان، داوا لە شۆفێران دەکات رەچاوی خێراییەکانیان بکەن بهتایبهتیش لە ناوچەکانی نیشتەجێبوون و بەردەم ناوەندەکانی خوێندن و ئاگاداری زیاتریان هەبێت بۆمنداڵان و پیادەڕەوەکان.
داواشی لە شۆفێرانی ئەو پاسانە كردووه، کە منداڵ و قوتابیان دەگوازنەوە رەچاوی ژمارەی یاسایی قوتابیان لەناو پاسەکانیان بکەن و سەرنشینی زیادە سەرنەخەن و رێگا بە منداڵان نەدەن بەشێک لەجەستەیان لەجامەکان دەربکەن و لەجێی خۆیان دابنیشین، لەکاتی سەرکەوتن و دابەزین لەبەردەم قوتابخانەکان ئاستەنگ و لۆد دروست نەکەن.
سێیهم داواكارى هاتوچۆ له شۆفێران نییه بهڵكو رووی له دایكان و باوكان و مامۆستاكان كردووه، كه ئامۆژگاری منداڵان و قوتابیانیان بکەن لە کاتی پەڕینەوە لە شەقام زیاتر هۆشیار بن و لەشوێنی دەستنیشانکراو بۆ پەڕینەوە بپەڕنەوە لە شەقام.
هاتوچۆى ههرێم پێویستى به مامۆستا و راهێنەری فێرکردنی ماتۆڕسکیلە
