كچانی هەڵبژاردەی بەڕازیل
جامی جیهانیی خانمان
بەڕازیل لە هەولێر 39 گۆڵی تۆمار كرد
964+
ئەرسەلان عەبدوڵا
لە یارییەكی مێژووییدا لە جامی جیهانیی خانمان لە هەولێر، هەڵبژاردەی بەڕازیل بە ئەنجامێكی گەورە و بە 39-0 گۆڵ لە كچانی پاكستانیان بردەوە.
یارییەكە ئێوارەی ئەمڕۆ هەینی 19.9.2025 لە یاریگەی زانكۆی جیهان لە گەڕی دووەمی پاڵەوانیەتییەكە كرا و كچانی بەڕازیل نمایشێكی سەرنجڕاكێشیان پێشكەش كرد.
كچانی بەڕازیل بە ئاسانی و وەك یەكەیەكی مەشقی یارییان كرد و 39 جار تۆڕی پاكستانیان هەژاند، كە لەدەست كچانی بەڕازیل دادوبێدادیان بوو، تەنانەت هەر پێیان كراوە تۆپی سەنتەر لێبدەن.
بەڕازیل لە یەكەم دەركەوتنیدا زەنگی مەترسی بۆ تیپە ركابەرەكانی لێدا و بەهێز دەركەوتن.
لە بەرامبەردا پاكستان بە دوو یاری 69 گۆڵی لێكراوە و مێژوو و ئامارێكی لە پاڵەوانیەتیی جامی جیهانیی ئافرەتاندا نووسییەوە.
هەر ئەمڕۆ لە یارییەكی دیكەشدا كە پێش ئەو یارییە كرا، كچانی لوبنان بردنەوەیەكی گەورەیان تۆمار كرد و بە 6-0 گۆڵ لە كچانی ئوردنیان بردەوە.
