قەرەباڵغییەكەی زیانی بە نەخۆشەكان گەیاندووە
پۆلیس ئاهەنگێكی كردنەوەی چێشتخانەیەك لە بەعقوبە هەڵدەوەشێنێتەوە
964+
محەمەد فاتیح
ئاهەنگی كردنەوەی چێشتخانەیەك لە شاری بەعقوبە، بووه هۆی دروستبونی قەرەباڵغییەكی زۆر و داخستنی جادەیەكی سەرەكی، پۆلیسيش ئاهەنگەكەى هەڵوەشاندەوە.
شەوی هەینی، پۆلیسی دیالە، ئاهەنگی كردنەوەی چێشتخانەی خلانی لە ناوەڕاستی بەعقوبە هەڵوەشاندەوە، دوای ئەوەی ژمارەیەكی زۆر لە گەنجان لەبەردەم چێشخانەكە كۆبوونەوە و بووە هۆی داخستنی جادەی ئەلموستەشفا، كە له گرنگترین جادە سەرەكییەكانی شارەكەیە و راستەوخۆ بەستراوەتەوە بە نەخۆشخانەی گشتیی بەعقوبەوە.
عەمید هەیسەم شممەری، بەڕێوەبەری راگەیاندنی پۆلیسی دیالە، بە 964ـی وت، ئاهەنگی كردنەوەی چێشتخانەكە بووە هۆی دروستبوونی قەرەباڵغییەكی زۆر و ئێمەش بە ناچاری كۆتاییمان بە ئاهەنگەكە هێنا، چونكە جادەكەی داخست و لەو كاتەدا حاڵەتی بەپەلە هەبوو بۆ نەخۆشخانەكە و دەبوایە بە زووترین كات نەخۆشەكە بگاتە نەخۆشخانەكە.
بەناوبانگترین دکتۆری دڵ لە بەعقوبە کوژرا
