بەناوبانگترین دکتۆری دڵ لە بەعقوبە کوژرا

964+
راژان مەجید -خانەقین

ئێوارەی ئەمڕۆ چوارشەممە لە ناوەڕاستی شەقامێکی شاری بەعقوبە لە پارێزگای دیالە لەلایەن چەند چەکدارێکی نەناسراوەوە تەقە لە بەناوبانگترین دکتۆری دڵ کرا و کوژرا.
د. ئەحمەد تەڵاڵ، پسپۆڕیەکەی لە نەخۆشیەکانی دڵ بوو، لەسەر ئاستی عێراق و پارێزگای دیالە ناوبانگێکی زۆری هەیە.
بەپێی زانیاریەکانی تۆڕی هەواڵی عێراقی، ئەو دکتۆرە لە کاتی جێهێشتنی نۆرینگەکەی و لە رێگای گەڕانەوە بۆ ماڵەوە تەقەی لێکراوە.
لە ئێستادا تەرمی د.ئەحمەد تەڵاڵ، گواستراوەتەوە بۆ نەخۆشخانەی فێركاری دیالە و لێكۆڵینەوە لە چۆنییەتی رووداوەكە بەردەوامە.

پێداچوونەوەی فەهمی نەبی