"قەیرانی كارەباكەشمان رەگوڕیشەی داكوتاوە"
موقتەدا سەدر لەسەر پیسبوونی ئاوی عێراق داوای فریاكەوتن دەكات
964+
محەمەد فاتیح
موقتەدا سەدر، رێبەری رەوتی سەدر، داوا دەكات واز لە ململانێی سیاسی بهێنن و فریای ئاوی عێراق بكەون لە پیسبوون.
موقتەدا سەدر، لە توویتێكدا لەژێر ناونیشانی (بابەتێكی مرۆییە و ناكرێت لێی بێدەنگ بین) دەڵێت، لە دوای قەیرانی كارەبا، كە رەگوڕیشەی داكوتاوە لە عێراقدا، مەترسی یسبوونی ئاوی عێراق لە زیادبووندایە.
داواشی كردووە، فریای ئاوی عێراق بكەون لە پیسبوون و ململانێی سیاسی وەلاوە بنێن و دووربكەونەوە لە بڵاوكردنەوەی درۆودەلەسە و ناوزڕاندنی سیاسی.
سەرەڕای قەیرانی كارەبا و هاوكات لەگەڵ وشكەساڵیدا، ناوچەكانی عێراق بە تایبەت پارێزگاكانی باشووری ئەو وڵاتە، بەدەست بێ ئاوی و پیسبوونی ئاوی خواردنەوەیان دەناڵێنن و زۆر جار لایەنە پەیوەندیدارەكان و پسپۆران هۆشداری ئەوەیانداوە، كە هاوڵاتیانی باشووری عێراق بە تایبەتی پارێزگای بەسرە، رووبەڕووی كارەسات و دووچاری چەندین نەخۆشی بوونەتەوە، بەهۆی پیسبوونی ئاوەكەیانەوە و داوایان كردووە بە هانایانەوە بچن.
ماسى و گامێش و قامیش بەرەو لەناوچوونن
