بەشێك لەو كەلوپەلانەی دەستیان بەسەردا گیرا، فۆتۆ: قایمقامیەتی كەلار
كەلار
پێنج تۆن خۆراکی بەسەرچوو دەستی بەسەردا گیرا
964+
ئەرسەلان عەبدوڵا
قایمقامیەتی كەلار بڵاویكردەوە، لیژنە هاوبەشەکانی قایمقامیەتی قەزای کەلار، بە هاوکاری بەشی ئابووری لە بەڕێوەبەرایەتیی ئاسایشی گەرمیان دەستیان بەسەر پێنج تۆن خۆراكی بەسەرچوودا گرت و لەناویان برد.
قایماقیەتی كەلار ئێوارەی ئەمڕۆ دووشەممە 1.9.2025 لە راگەیاندراوێكدا ئاماژەیان بەوە كرد، “لە هەڵمەتێکی پشکنیندا لە سنووری قەزاکە، دەستیان گرت بەسەر بڕی پێنج پێنج تۆن خۆراکی خراپ و بەسەرچوو لە یەکێک لە کۆگاکاندا”.
هەروەها دەڵێن، دوای دەستبەسەرداگرتنی تەواوی ئەو خۆراکانە، بە فەرمانی قایمقامی کەلار و بەپێی رێکارە یاساییەکان تەلەف کران، هەروەها خاوەنەکەی رووبەڕووی رێکاری یاسایی دەکرێتەوە.
قایمقامیەتی كەلار دەڵێت، “بەردەوام دەبین لە پشکنینەکانمان بۆ پاراستنی تەندروستیی گشتیی هاوڵاتیانی خۆشەویست.”
