کەرکوک
نەگەیشت خواردنەکە ببات؛ ماتۆڕسوارێکى دیلیڤەرى بە رووداوى هاتوچۆ گیانى لەدەستدا
964+
کاروان ساڵحی-کەرکوک
ماتۆڕسوارێکى دیلیڤەرى لە کەرکوک، لەکاتى گەیاندنى خواردن تووشى رووداوى هاتوچۆ بوو و بەهۆیەوە گیانى لەدەستدا.
سەرچاوەیەک لە پۆلیسى ئامادە بە 964ـى وت، نیوەڕۆى ئەمڕۆ، لە نزیک باڵەخانەى نوێى پارێزگاى کەرکوک، ماتۆڕسوارێکى دیلیڤەرى لەکاتى گەیاندنى خواردن تووشى رووداوى هاتوچۆ بوو و بەهۆیەوە گیانى لەدەستدا.
بەپێى وێنەکە و لێدوانى ئەو سەرچاوەیە، ماتۆڕسوارەکە لەگەڵ ئۆتۆمبێلێک تووشى پێکدادان بووە.
ئاشکراشى کرد، دواى رووداوەکە، شۆفێرى ئۆتۆمبێلەکە خۆى رادەستى هێزەکانى پۆلیس کردووە و تەرمى گەنجەکەش بۆ پزیشکى دادى گواسترایەوە.
پێداچوونەوە: وریا فەتاح
