دەستەی مافی مرۆڤ ئیدانەی رێکاری رووداوەکەی لالەزاری کرد

964+
ئەحمەد مستەفا

دەستەی سەربەخۆی مافی مرۆڤ ئیدانەی ریکارەکانی رووداوەکەی لالەزار دەکات و دەڵێ، بەمەبەستی دەستگیرکردنی چەند داواکراوێک لە یەکێک لە گەڕەکەکانی سلێمانی هێزیکی زۆری ئەمنی جۆراو جۆر بەچەکی سووک و قوڕسەوە کۆبوونەوە و چوونەتە ئەو شوێنە کە بەلالەزار ناسراوە.

دەستەکە باسی لەوەکردووە، بەداخەوە روبەڕووبونەوەی سەخت و شەڕێکی چوار کاتژمێری لەو ناوچەیە روویداوە تا کاتژمێر 8:00ی بەیانی بەردەوام بووە، وە کوژراو و برینداری لێ کەوتوەتەوە، ئەو رووداوە نائارامی زۆری دروستکرد لەشاری سلێمانی و خەڵکی ئەو ناوچەیەی نیگەران کرد و ترس و دڵەڕاوکێی بڵاوکردووەتەوە.

دەستەی سەربەخۆی مافی مرۆڤ ئیدانەی ئەو رووداوە و دەئەنجامەکانی دەکات و بەهەموو شێوەیەک شەڕو ئاڵۆزی رەتدەکاتەوە و هەمیشە پشتیوانی رێکاری یاسایی و زمانی دیالۆگ دەکات، ئەوە بەشێکە لە راگەیەندراوەکە.

دەستەکە دەڵێ، لامان وایە بڕیاری دەستگیرکردنی داواکراو هێزی جێبەجێکار پۆلیسە نەوەک هێزی دژە تیرۆر و هێزی تر کە لەو رووداوە، بەداخەوە هێزی جیاواز و چەکی سوک و قوڕس بەکارهێنراوە، وە بەپێی رێکارە یاساییەکان دەبێ تۆمەتبار ببرێتە گرتن و گواستنەوە، نەوەک شوێنی تر و بارەگای حیزبی.

دەستەی سەربەخۆی مافی مرۆڤ لەو راگەیەندراوەدا کە ئەمڕۆ هەینی 22.8.2025 بڵاوکردووەتەوە دەڵێ، پاڵپشتی تەواوی جێبەجێکردنی بڕیاری دادگاکان دەکات بۆ رادەستکردنی هەر کەس و داواکراوێک بەڕێکاری یاسایی خۆی بۆیە هەر جۆرە رێگاو شێوازێکی تر رەتدەکەینەوە بۆ دەستگیرکردنی داواکراوان، کە بەداخەوە دەبابە و دۆشکە و چەکی قوڕس بەکارهاتووە، ئەمە زیاتر لە نمایشێکی سەربازی دەچێت و رەنگدانەوەی خراپی دەبێت بۆ ناوبانگی هەرێمی کوردستان.

هاتوچۆ لە بازگەی عەربەت بۆ سلێمانی ئاسایی بووەتەوە

سلێمانی شەوێکی سەختی تێپەڕاند