لە سۆران ژمارەیەک سواڵکەر دەستگیر کران - وێنە؛ پۆلیسی سۆران
"لە شەقام و ترافیکەکان هاوڵاتیانیان بێزار کردووە"
لە سۆران ژمارەیەک سواڵکەر دەستگیر کران
964+
شۆڕش قادری
لە سۆران ژمارەیەک سواڵکەر و بەخێوکەرانیان دەستگیر کران کە لە شەقام و ترافیک لایتەکان هاوڵاتیانیان بێزار کردووە.
بەپێی راگەیەنراوێکی بەڕێوەبەرایەتی پۆلیسی سۆران، “ئەمڕۆ سێشەممە 19.8.2025 بەشی نەهێشتنی تاوانی سۆران لەگەڵ بەشی پولیسی ناوشار هەڵساون بەدەستگیرکردنی ئەو سواڵکەرانەی کە لەسەر شەقام و ترافیکەکان ببوونە هۆکاری بێزارکردنی هاوڵاتیان”.
ئاماژە بەوەشکراوە، ئەو سواڵکەرانەی منداڵ بوون و تەمەنیان خوار 11 ساڵ بووە، بەخێوکەرانیان بەپێی ماددەی 392 لە یاسای سزادانی عێراقی راگیراون و لێکۆڵینەوە لەگەڵیان دەستیپێکردووە.
لە سۆران نزیکەی 60 دەرۆزەکەر دەستگیرکران
