دیمەنی بایکۆتکردنی پزیشکان و کارمەندانی سلێمانی. وێنە:964ئەرشیفی
نزیکەی هەزار پزیشک دەبن
پزیشکانی نیشتەجێی خولاو لە سلێمانی بایکۆتی دەوامیان کرد
964+
دیلان محەمەدجەزا
لە سلێمانی پزیشکانی نیشتەجێی خولاو بایکۆتی دەوامیان کردووە و نەخۆشخانەکانیان جێهێشتووە.
د. دارۆ هادی نوێنەری پزیشکانی نیشتەجێی خولاو بە 964ـی وت، لە ڕۆژی پێنجشەممەوە پزیشکانی نیشتەجێی خولاو و بەشێک لە پزیشکانی نیشتەجێی دێرین و پلەبەند بایکۆتی دەوامیان کردووە.
بەقسەی ئەو پزیشکە، هۆکاری بایکۆتەکەیان بۆ دواکەوتنی بەرزکردنەوەی پلەی زانستیان دەگەڕێتەوە، کە ئەو پزیشکانە لە نەخۆشخانە و مەڵبەندە تەندروستییەکانی سنوری پارێزگای سلێمانی دەوام دەکەن.
د. دارۆ هادی وتیشی، ئەو بابەتە پەیوەندی بە وەزارەتی تەندروستییەوە هەیە و داوا دەکەن چیدیکە پلە بەرزکردنەوەیان رانەگیرێت.
لە سنووری پارێزگای سلێمانی نزیکەی هەزار پزیشک بایکۆتی دەوامیان کردووە.
پێداچوونەوە؛ شۆڕش قادری
