لۆگۆی ژووری بازرگانیی هەولێر
كۆنفرانسی تەكنەلۆژی هەیە
خاوەنكارانی هەولێر دەتوانن بچنە ئۆكرانیا
964+
ئەرسەلان عەبدوڵا
ژووری بازرگانی و پیشەسازیی هەولێر رایگەیاند، كۆنفرانسێكی تەكنەلۆژی هەیە لە ئۆكرانیا، بازرگان و خاوەنكارانی هەولێریش دەتوانن لە رێگەی ئەوانەوە بەشداریی بكەن.
ژووری بارزگانی و پیشەسازیی هەولێر بڵاویكردەوە، گەورەترین کۆنفرانسی تەکنەلۆژیا لەسەر ئاستی رۆژهەڵاتی ئەوروپا، لە وڵاتی ئۆکرانیا لە شاری لڤیڤ، لە ماوەی نێوان 26 تا 28.9.2025 بەڕێوەدەچێت.
ژوورەكە بانگهێشتی بازرگان و خاوەنكارانی هەولێر دەكات، ئەوانەی دەیانەوێت بەشداریی بكەن، دەتوانن سەردانی ژووری بازرگانی و پیشەسازی هەولێر – بەشی پەیوەندیەکان بکەن، بۆ ئەوەی رێنماییان پێبدرێت و ئاسانكارییان بۆ بكرێت بۆ بەشداریكردن.
بەڕێوەچوونی ئەو كۆنفرانسە لە ئۆكرانیا لەكاتێكدایە، ئەو وڵاتە لە شوباتی 2022ـیەوە لە شەڕدایە لەگەڵ روسیا و رۆژانە هێرش و بۆردومان هەیە و ئێستا بەشێكی خاكی ئۆكرانیا بەدەست روسیاوەیە.
