دیمەنێکی بیناکە ... وێنە: پارێزگای هەڵەبجە.
"بیناکە بکرێتە مۆنۆمێنت"
یادی 39 ساڵەی کارەساتی دڵتەزێنی بیناسووتاوەکەی سیروان کرایەوە
964+
فهرهاد حهسهن
له ناحیهى سیروانى سهر به پارێزگاى ههڵهبجه، یادی 39 ساڵەی کارەساتی دڵتەزێنی بیناسووتاوەکە کرایەوە، كه لهساڵانى ههشتاكان له ئهنجامى شهڕى عێراق – ئێران بۆردومان كرا و 200 هاوڵاتی گیانیان لهدهستدا.
یاركردنهوهكه، ئهمڕۆ چوارشهممه لە هۆڵی قوتابخانەی ئامادەیی سورێن بهڕێوهچوو پارێزگار و لایهنه پهیوهندیدارهكان لهگهڵ چین و توێژهكانى ناحیهكه و كهسوكارى ئهوانهى گیانیان لهدهستدابوو، مێزگردێكیان رێكخست
پارێزگارى ههڵهبجه بڵاویكردهوه، لە مێزگردەكەدا، پاڵپشتی تەواوی پارێزگار بۆ داواكارییهكانى ئامادهبوون دووپاتكردەوە و لایەنە پەیوەندیدارەكانی راسپارد بۆ ئەنجامدانی كاری پێویست لەپێناو خزمەتی زیاتری ناحیەكە و بوژانەوەی لەسەرجەم سێكتەرەكاندا.
مۆنۆمێنتى ههڵهبجهش كه بهشداربووێكی مێزگردهكه بوو دهڵێت، کۆنوسێک ئامادەکرا و بڕیارە بەرزبکرێتەوە بۆ لایەنی پەیوەندیدار، بۆ ئەوەی بینا سوتاوەکەی سیروان بکرێتە مۆنۆمێنتێک و هاوکات داواکاری کەسوکاری شەهیدانی بیناسوتاوەکە جێبەجێبکرێت و بەشێوەیەکی گشتی داواکاری خەڵکی ناحیەکە بۆ بەرەوپێشبردنی پڕۆژەکانی ناحیەکە بەکردار جێبەجێبکرێت.
پارێزگارى ههڵهبجه یادكردنهوهى ئهم رووداوه به رۆژێكی كارەساتبار و مێژووییەكان دهزانێت بۆ هەڵەبجەو شارەزوور و هەورامان كە دەرئەنجامی سیاسەتی وێرانکاری و جەنگی نێوان (ئێران عێراق) بووه و ئەو رۆژە ژمارەیەکی زۆر لە ھاوڵاتیانی راگوێزراوی گوندەکانی ھەورامان بۆ خۆپاراستنیان لە قوتابخانەیەکی ناحیەی سیروان خۆیان پەنادابوو، لە ئەنجامی بۆردومانێكدا بۆ سەر خوێندگاكە 200 ھاوڵاتی لە ژن، منداڵ و پیاو شەھید بوون و زیاتر لە 100 کەسیش برینداربوون.
چوارشەممە سووری ئێران کارەساتی نایەوە؛ 21 کەس گیانیان لەدەستداوە
