"بەشێک دەبین لە وەزارەتی بەرگری"
مەزڵوم عەبدی هەوڵی پێکهێنانی “سوپایەک لەناو سوپای سووریادا رەتدەکاتەوە
964+
فهرهاد حهسهن
فەرماندەی هێزەکانی سوریای دیموکرات مەزلوم عەبدی، رایگەیاند، ئەو رێککەوتنە بەراییەی کە لە 10ی ئازاردا لەگەڵ دیمەشق واژۆ کراوە، زیاتر پرەنسیپی ستراتیژیە وەکو یەکگرتوویی خاکی سوریا و پێکهێنانی سوپایەکی یەکگرتووی نیشتمانی و یەکخستنی دامەزراوە مەدەنی و سەربازییەکان.
عەبدی لهچاوپێكهوتنێكدا لهگهڵ كهناڵی (الحدث) روونیکردەوە کە گفتوگۆ لەگەڵ دیمەشق بەردەوامە، جەختیشی کردەوە کە هەسەدە هۆکاری دواخستنی دانوستانەکان نییە. راشیگەیاند کە کۆبوونەوەیەک کە بڕیار بوو لە 25.7.2025 لە پاریس بەڕێوە بچێت، لەسەر داوای دیمەشق دواخرا بەهۆی رووداوەکانی سوەیدا.
عەبدی ئاماژەی بەوەدا کە دیارترین خاڵە ناکۆکییەکان پەیوەندییان بە چۆنیەتی تێکەڵکردنی هێزەکانی سوریای دەیموکرات هەیە لەگەڵ سوپای سوریا، و ئەو تۆمەتانەی رەتکردەوە کە هێزەکانی سوریای دیموکرات هەوڵی پێکهێنانی “سوپایەک لەناو سوپادا” دەدات.
ئاماژەی بەوەشکرد، رێککەوتن لەسەر لامەرکەزییەت وەک چارەسەرێک بۆ سوریا هەیە، بەڵام دیمەشق نیگەرانە و بە هەنگاوێک بەرەو جیابوونەوە دەیبینێت.
عەبدی دووپاتیکردەوە کە فەرەنسا بەردەوامە لە رۆڵی ناوبژیوانی سەرەکی، هاوکات ئاماژەی بە هەڵوێستێکی ئەرێنی ئەمریکا کرد سەرەڕای ناتەبایی لە لێدوانەکاندا. هەروەها ئاماژەی بە بەشداری بەریتانیا کرد و خواستی خۆی بۆ بەشداریکردنی سعودیە وەک ناوبژیوانێکی ناوچەیی دەربڕی.
سەبارەت بە پەیوەندییەکانی لەگەڵ تورکیا، ئاماژەی بەوەدا کە کەناڵەکانی پەیوەندیکردن بەردەوامن، هەروەها ئەنقەرە لایەنێک نییە لە گفتوگۆکان لەگەڵ دیمەشق بەڵکو هەماهەنگی لەگەڵ هێزەکانی (هەسەدە) هەیە سەبارەت بە ئاگربەست.
باسی کەوەشکرد، دیمەشق ئامادەیی خۆی دەربڕیوە بۆ داننان بە زمانی کوردی هاوشانی زمانی عەرەبی لە ناوچە کوردیەکان، لەگەڵ پەسەندکردنی پێشوەختە بۆ مافە کولتووری و زمانەوانییەکانی کورد.
سەبارەت بە ئایندەی سیاسی خۆی، عەبدی رایگەیاند، تاوەکو ئێستا هیچ ئۆفەرێکی فەرمی وەرنەگرتووە، بەڵام کراوەیە بۆ هەر رۆڵێک کە خزمەت بە سەقامگیری سوریا بکات. ئاماژەی بەوەشکرد، ئامانجی رێککەوتنی 10ی ئازار پێش کۆتایی ساڵ بەتەواوی جێبەجێبکرێت.
هەر لەو چاوپێکەوتنەدا مهزڵوم عهبدی رێكهوتنی لهگهڵ ئهحمهد شهرع سهرۆك كۆماری سوریا بۆ قۆناغی راگوزهر راگهیاند و دهشڵێت، لەگەڵ یەک سوپا و یەک حکومەت و یەک دەوڵەتداین و “ههندێك دامهزراوهی سیادی دهبێت به ناوهندگهرایی بمێننهوه، جگه لهوهش 100 ههزار چهكدار له وهزارهتی بهرگری سوریا یهكدهخرێن و ئهمهش پرۆسهیهكی گهورهیه، ئێمه بهشێك دهبین له وهزارهتی بهرگری سوریا”.