لۆگۆی ژووری بازرگانیی هەولێر
پەیوەندی بكەن
بازرگانانی هەولێر دەتوانن بەشداریی پێشانگەی جەزائیر بكەن
964+
ئەرسەلان عەبدوڵا
ژووری بازرگانی و پیشەسازیی هەولێر رایگەیاند، پێشانگەی نێودەوڵەتیی بازرگانی جەزائیر بەڕێوەدەچێت، بازرگانانی هەولێریش دەتوانن بەشداربن.
كامەران محەمەد ساڵح، ئەندامی ئەنجومەنی ژووری بازرگانی و پیشەسازیی هەولێر، بە 964ی راگەیاند، چوارەمین پێشانگای نێودەوڵەتیی جەزائیر بۆ بازرگان لە ماوەی نێوان 4 تا 10.9.2025 لە جەزائیر بەڕێوەدەچێت، بازرگانانی هەولێر، ئەوانەی ئەندامی ژووری بازرگانین دەتوانن بەشداریی تێدا بكەن.
وتیشی، ئەو بازرگانانەی نیازی بەشداریكردنیان هەیە، دەتوانن بۆ وەرگرتنی زانیاری زیاتر و ئاسانكاری، سەردانی بەشی پەیوەندییەكانی ژووری بازرگانی و پیشەسازیی هەولێر بكەن.
ئاماژەی بەوەش كرد، ژووری بازرگانی هەرچی بتوانێت ئاسانكاری بۆ بازرگانانی هەولێر دەكات بۆ بەشداریكردن لە پێشانگەكە و هەموو پێشانگەكان لە وڵاتی دیكە.
