هەڤاڵ خانەقینی فۆتۆ: سۆشیال میدیا
“هەڤاڵ خانەقینی پەشیمانه”
964+
زینوێ حه‌سه‌ن
هونەرمەند هەڤاڵ خانەقینی بەرهەمێكی نوێی گۆرانی به ناوی “پەشیمانم” بڵاودەکاتەوە و یه‌كێكی دیكه‌شی هه‌ر له‌م ساڵدا ئاماده ده‌بێت.
گۆرانییه‌كه له تێكست و ئاوازی هونەرمه‌ند خۆیەتی و لە لایەن هونەرمەند و دەرهێنەر ئارام سەردار کاری ڤیدیۆ کلیپی بۆ كراوه.
هەڤاڵ خانەقینی بە تۆڕی 964 وت، گۆرانی پەشیمانم بەرهەمێکی ناشادە و رۆژی سێشەممه لە چه‌ناڵی یوتوبی خۆمەوە بڵاوی دەکەمەوە.
“پەشیمانم دوابەرهەمی من نابێت لەم ساڵە دا و بەرهەمی دیكه‌م بەدەستەوەیە، کە گۆرانییەکی هەیەجانە و بە شێوازی ڤیدیۆ کلیپ کاری لەسەر دەکەم”.
دوابه‌رهه‌می هه‌ڤاڵ خانه‌قینی لە ساڵی 2022 بە ناوی “وەرەوە” بڵاوكرایه‌وه، كه دەنگدانەوەیه‌كی باشی هەبوو.