مام حاجیەک لە سلێمانی
40 ساڵە براکەی ونبووە و ئێستاش بە کوڵ بۆی دەگری
964+
دیلان محەمەد جەزا – سلێمانی
ئەمڕۆ لیژنەیەک لە بەغدادەوە هاتوونەتە سلێمانی بۆ وەرگرتنی نمونەی خوێن و چەند نمونەیەکی دیکە تایبەت لە کەسوکاری ئەو 50 گەنجەی لە ساڵی 1985ـەوە بێسەرو شوێنن.
یەکێک لەوکەسانەی کە لەوێ برایەکیی 40 دانە ساڵە ونبووە مام حاجیەیەکە و هێشتا بەکوڵ دەگری بۆ برا ونبووەکەی.
حەمە ئەمین محەمەد کەریم کەس و کاری بێ سەرو شوێن بە 964ـی وت، لە ساڵی 1985 ەوە برا 17 ساڵانەکەی دەستگیر کراوە لەلایەن حکومەتی بەعسەوە و تا ئەم ساتە سۆراغی نازانن.
باسی لەوەکرد، ئەمڕۆ هاتووە تا نمونەی جەستەیی لێوەربگیرێت و تا ئێسک و پروسکی براکەی بۆ بدۆزنەوە.
مام حەمە ئەمین ئەوەندە بە سۆزەوە باسی براکەیی و سۆراغەکانی دەکات ناڵێی ماوەی ونبوونەکەی 40 ساڵە بە شێوازێک دەگری کە پەیامنێری 964ـیشی لەگەڵ خۆی خستووەتە گریان.
پێداچوونەوە: توانا نەقی