دەبێت سەردانی قایمقامیەت بكەن
چەند فڕۆشگایەك لە شاری هەولێر ئاگاداركرانەوە
964+
محەمەد فاتیح
لە چوارچێوەی هەڵمەتی چاودێریكردنی بازار چەند فڕۆشگایەك لە شاری هەولێر ئاگاداركرانەوە و داوایان لێكرا سەردانی قایمقامیەتی ناوەندیی هەولێر و لایەنی پەیوەندیدار بکەن.
قایمقامیەتى قەزای ناوەنديى هەولێر دەڵێت، “لیژنەی پشکنین و چاودێریکردنی بازاڕ، لە چوارچێوەی هەڵمەتی چاودێریكردنی بازار و رێگەگرتن لە ساخکردنەوەی خۆراکی ماوه بەسەرچوو و بەرز بوونەوەی نرخی کاڵاکان، 15 شوێن لە شارى هەولێر وەک (سوپەرماڕکێت، چێشتخانە، سەموونخانە، ئارایشتگا) بەسەرکرایەوە”.
وتيشى، “دوای پشکنین و بەدواداچوون و لێپرسینەوە لە نرخ و كوالێتی شوێنەکان، ئەو شوێنانەی کە مۆڵەتی کارکردنیان بەسەرچوو بوو یان کەم وکوڕیی تریان هەبوو، هۆشداریان پێدرا لە زووترین کاتدا سەردانی قائیمقامیەتی ناوەندیی و لایەنی پەیوەندیدار بکەن بۆ نوێکردنەوەی مۆڵەتەکانیان و نەهێشتنى کەم و کوڕییەکانیان”.
ئەو شوێنانەی ئاگاداركراونەتەوە:
-میوە فڕۆش و ماڕکێتی زانای بەقاڵ
– کولێرەی سپارۆ تێست
-مارکێتی کوردستان
-بلو کافێ