هاتوچۆی عێراق. فۆتۆ: سۆشیاڵ میدیا
ئەپلیکەیشنێک دروستکراوە
هاتوچۆی عێراق پێدانی سزای پێبژاردن دەکاتە ئەلیکترۆنی
964+
ژووری هەواڵ
حکومەتی عێراق پرۆسەی پێدانی سزای پێبژاردنی هاتوچۆ دەکات بە ئەلیکترۆنی و بۆ ئەو مەبەستە ئەپلیکەیشنێکی دروستکردووە.
ئەمڕۆ یەکشەممە 6.7.2025، بەڕێوەبەرایەتی گشتى هاتوچۆى عێراق، رایگەیاند، لەرێگەى ئەپڵیکەیشنێکەوە شۆفێران دەتوانن بە ماستەر کاردى ئەلیکترۆنیی پێبژاردنەکانیان بدەن و لە چۆنێتیى سزاکانیان ئاگادار بن.
ئەپەکە ناوى چاوى عێراقە “عین العراق”، و هاتوچۆى عێراق دەڵێت، هەوڵێکە بۆ ئاسانکاریی بۆ هاوڵاتییانى عێراق و پێدان و زانینى بڕی سزاکانیان.
هاتوچۆى عێراق، ئاماژەى بەوەشکردووە، تۆمارکردنى سزاکانى هاتوچۆ لەرێگەى کامێراکانی سەر شەقامەکان، لە 1ـى تەمموزەوە کەوتووەتە بوارى جێبەجێکردنەوە و ماوەى 24 کاتژمێر بە بەردەوامى کاردەکەن.
