ئەمڕۆ دیدارى ئیمڕاڵى هەیە

964+

وریا فەتاح

ئەمڕۆ یەکشەممە، بەمەبەستى ئەنجامدانى دیدار و کۆبوونەوە لەگەڵ عەبدوڵا ئۆجالان، شاندێکى دەم پارتى بەرەو ئیمڕاڵى بەڕێکەوت.

دیدارەکە لەچوارچێوەى پڕۆسەى ئاشتییە و تێێدا شاندێک لە پارتى یەکسانى و دیموکراتى گەلان (دەم پارتى)، بۆ بینین و دیدار لەگەڵ عەبدوڵا ئۆجەلان، رێبەرى زیندانیکراوى پەکەکە، بەرەو ئیمڕاڵى بەڕێکەوتوون.

شاندەکە پێکهاتوون لە پەروین بوڵدان، مەدحەت سانجار و ئۆزگول فایەق.

دواى زنجیرەیەک دیدار و کۆبوونەوە لە نێوان شاندى ئیمڕاڵى و عەبدوڵا ئۆجالان، پەکەکە لە مانگى ئایار کۆنگرەى خۆهەڵوەشاندنەوەى بەست و لە 12ـى ئایار  دەرەنجامەکانى کۆنگرەی 12ـەمینی خۆی ئاشکرا کرد کە خۆهەڵوەشاندنەوە و دانانى چەک بوو بە واقع.

رۆژى 27.2.2025، دواى دوو بۆ سێ جار لە سەردانى شاندى ئیمڕاڵى بۆ لاى ئۆجەلان و گفتوگۆکردنى پڕۆسەى ئاشتى، ئۆجەلان پەیامێکى بڵاوکردەوە و شاندى دەم پارتى لە کۆنگرەیەکى رۆژنامەوانى پەیامەکەیان بۆ رایگشتى خوێندەوە.

گرنگترین بڕگەکانى پەیامەکەى ئۆجەلان:

– دەبێت پەکەکە چەک دابنێت و بە کۆنگرە خۆى هەڵبوەشێنێتەوە.
– پێویستە پەکەکە گوێڕایەڵى بانگەوازەکەى من بێت و ئەو بەرپرسیارێتییە هەڵدەگرم.
– پێویستە کورد و تورک بۆ مانەوە پێکەوە بژین.
– پێویستە تورکیا بەرەو دیموکرایى بڕوات و ئەو رێگەیە بگرێتەبەر.
– من عەبدوڵا ئۆجەلانم.

دەنگ و باسەکان بەو ئاراستەیەن لە چەند رۆژى داهاتوودا و پێش ناوەڕاستى ئەم مانگە، ژمارەیەک لە چەکدارانى پەکەکە لە قەندیل بچنە خوارەوە و بەشێوەیەکى سیمبوڵى چەک دابنێن.

پە*کە*کە خۆى هەڵوەشاندەوە و کۆتایى بە خەباتى چەک هێنا