هاوڵاتییەكی موسڵ ئامادەیە كرێی خانووی هاوڵاتییە لە خانوو دەركراوەكەی خورماتوو بدات

964+

ئەرسەلان عەبدوڵا

دوای ئەوەی 964 ڤیدیۆی ئەو هاوڵاتییەی قەزای خورماتووی بڵاوكردەوە، كە بەهۆی نەدانی كرێی چوار مانگ لە خانووەكەی دەركرا، هاوڵاتییەكی بە نەتەوە عەرەبی موسڵ، لە ڤیدیۆیەكی تیكتۆكدا ئامادەیی خۆی دەربڕی كرێی خانووی هاوڵاتییەكەی خورماتوو بدات.

هاوڵاتییەكەی موسڵ، كە لە سۆشیال میدیا ناسراوە، لە ڤیدیۆیەكەیدا دەردەكەوێ و لەسەر مۆبایلەكەی ڤیدیۆیەكی 964 پێشان دەدا و گلەیی لە خەڵكی خورماتوو دەكات، كە بۆچی خێرومەندێكی تێدا نییە هاوكاری ئەو هاوڵاتییە بكات، كە لە خانووەكەی دەركراوە و ماڵ و حاڵەكەی لەسەر شەقام فڕێدراوە.

ئەو هاوڵاتییەی موسڵ دەڵێت، ئەو بارودۆخە بەسەر خۆی هاتووە و ئێستا دڵی بۆ هاوڵاتییە كوردەكەی خورماتوو دەسووتێت و ئامادەیە هاوكاریی تەواوی بكات.