دیمەنی نۆرینگەکە - وێنە: وەزارەتی تەندروستی هەرێمی کوردستان
دراوە بە دادگا
نۆرینگەیەکی سۆران دەرمانی حکومەتی ئەفرۆشت پێیان زانی
964+
ئەحمەد مستەفا
نۆرینگەیەکی یاریدەدەری پزیشکی لە شاری سۆران درایە دادگا، ئەوەش بەهۆکاری فرۆشتنەوەی دەرمانی میری “وەزارەتی تەندروستی” و مامەڵەکردن بە دەرمانی قاچاخ.
لیژنە چوون و پێیان زانی، لە بەرانبەر ئەو کارەی، نۆرینگەکەیان دا بە دادگا.
وەزارەتی تەندروستی بەشێکی هەیە پێی دەڵێن، دامەزراوەی کۆنتڕۆڵکردنی هێنان و دروستکردنی دەرمان و ئامێر و پێداویستیی پزیشکی لە هەرێمی کوردستان “KMCA”، ئەمە بەردەوام لیژنەکانی دەگەڕێنێ بۆ ئەو ئیشانە.
وەزارەتی تەندروستی لەپێگەی خۆی ئەمڕۆ یەکشەممە لە بارەی نۆرینگەکەی سۆران نوسیوویەتی، لە ئەنجامی سەردانیکردنی تیمی چاودێریکردن و بەدواداچوونی بەڕێوەبەرایەتی “KMCA”، و تەندروستی سۆران، پشکنین بۆ چەند نۆرینگەیەک ئەمجام دراوە.
لە ئەنجامی پشکنینەکە دەست بەسەر برێک دەرمانی میری “وەزارەتی تەندروستی حکومەتی هەرێمی کوردستان” و هەروەها دەرمانی قاچاخ لە ناو نۆرینگەیەک لە قەزای ناوەندی سۆران بە ناوی”شیفا” دا گیرا و لێپێچینەوەی یاسایی لەگەل ئەنجام دراوە.
زۆرێک لە دەرمانە درێژخانەیەکان یان نەخۆشخانی دەروونی و خاوەن پێداویستی تایبەت، حکومەت لە رێگەی پسووڵە یان کارت و دەفتەرەوە، بێ بەرانبەر دەرمانیان پێ دەدات، بەڵام نۆرینگە و دەرمانخانە هەن، بەهۆی فرۆشتنەوەی ئەو دەرمانە بێ بەرانبەرانە تووشی لێپێچینەوە دەبن.
