لە ناوچەی پیشەسازی باکور
لە هەولێر سێ دوکان و ئۆتۆمبێلێک سووتان
964+
عەبدولعەزیز خالند – هەولێر
لە ناوچەی پیشەسازی باکور لە هەولێر سێ دوکان و ئۆتۆمبێلێک سووتان، لەئێستاشدا ئاگرەکە کۆنتڕۆڵ کراوە و کوژاوەتەوە.
شایەتحاڵێکی رووداوەکە بە 964ـی وت، ئەو سێ دوکانەی سووتاون، دوکانی چاککردنەوەی فیول پەمپ و باغەچی و گزۆزچی بوون.
ئاماژەی بەوەشکرد، سەرەتا ئاگرێکی بچووک لەناو دوکانی چاککردنەوەی فیول پەمپەکە سەریهەڵداوە و دواتر تەشەنەی سەندووە و ئەو دوو دوکانەی دیکە و ئۆتۆمبێلێکیش سووتاون.
ئەو شایەتحاڵە وتیشی، دوای سەرهەڵدانی ئاگرەکە تیمەکانی بەرگری شارستانی هەولێر گەیشتوونەتە شوێنە رووداوەکە و ئاگرەکەیان کۆنتڕۆڵ کردووە.
پێداچوونەوە؛ شۆڕش قادری
لە پڕۆژەیەکى نیشتەجێبوونى هەولێر ئاگرکەوتەوە
