ئەم دوو رۆژە کەس سەر لە کەشوهەوا دەرناکات

964+

وریا فەتاح

کەشوهەواى ئەم دوو رۆژە هەر کاتەو بە جۆرێکە، تاوێ هەور و تاوێ هەتاو، تاوێکیش نمەباران و تۆز و خۆڵ، بەڵام ئەوەى روونە پلەکانى گەرما دادەبەزن.

بەپێى پێشبینییەکانى کەشناسى، بۆ ئەمڕۆ سێشەممە، ئاسمان لە نێوان هەور و نیمچە هەور دەبێت لەگەڵ بارینى نمە بارنێکى کەم و بروسکە بەتایبەت لەناوچە شاخاووییە سنوورییەکانی باکوور.

ئاشکراشى کردووە، لە ئێوارە و شەودا تۆزوخۆڵ لە ناوچەکانى کەرکوک و گەرمیان بەرز دەبێتەوە، بەڵام لە ناوچەکانى دیکە کەمتر دەبێت.

لەبارەى پلەکانى گەرما، کەشناسى ئاشکراى کردووە کە 2 بۆ 4 پلەى سێلیزى نزم دەبنەوە .

کەشوهەواى سبەینێ چوارشەممەش بە شێوەیەکە کە ئاسمان لە نێوان هەور و نیمچە هەور دەبێت، بەڵام لە ناوچە شاخاوییەکانى هەولێر و دهۆک زۆربەى کات هەورى تەواوە و پرشکە بارانیشى لەگەڵ دەبێت و هەندێ جاریش بارانى کورتخایەن دەبارێت.

جەختیش لەوەکراوەتەوە، لەئەنجامى بەردەوامى ئەم ناسەقامگیریەى هەیە لە کەشى ناوچەکە، ئەگەرى زیاد بوونى خێراى با لە سنوورى پارێزگاى سلێمانى و هەڵەبجە هەیە، لەگەڵیدا لەسەرجەم ناوچەکانى هەرێم ئەگەرى بەرزبوونەوەى تۆزوخۆڵى کەم هەیە کە هەندێ کات لەگەڵ باران تێکەڵ دەبێت .

پلەکانى گەرما زیاتر دادەبەزن و سبەینێ چوارشەممە بەم شێوەیە دەبێت

هەولێر : 30 پلەی سیلیزی

سلێمانی : 29 پلەی سیلیزی

دهۆک : 27 پلەی سیلیزی

کەرکوک : 35 پلەی سیلیزی

زاخۆ : 26 پلەی سیلیزی

هەڵەبجە : 31 پلەی سیلیزی

سۆران : 24 پلەی سیلیزی

حاجی ئۆمەران : 16 پلەی سیلیزی

گەرمیان :36 پلەی سیلیزی

باسی بارانبارین لە گۆڕێ نەما و پلەکانی گەرما بەرزدەبنەوە