گۆمی فێلاو رێگەی چوونی ئۆتۆمبێلی نەما

964+
ئەحمەد مستەفا

لە دەروازەی چوون بۆ گۆمی فێڵاو لە قەزای چۆمان، شۆفڵ ئەمڕۆ یەکشەممە خۆڵی رۆ کردووە و رێگەی چوونی ئۆتۆمبێلی بۆ ئەو شوێنە گەشتیارییە داخستووە.

گۆمی فێلاو، ناوچەیەکی گەشتیاری سەرنجڕاکێشە ساڵانێکە گەشتیارێکی زۆر بۆی دەچن و هەندێک لەوان شەوان دەمێننەوە.

ماوەی رابردوو چەندجارێک نیگەرانیی لە فرێدانی خۆڵ و خاشاک لەو ناوچە گەشتیارییە بیسترا، بە گوێرەی سۆراغی 964، داخستنی رێگەگە بەهۆکاری پیسبوونی سروشتی گۆمەکە و دەوروبەری بووە.

گەشتوگوزاری قەزای چۆمان لە بڵاوکراوەیەکدا ئەمڕۆ یەکشەممە 11.5.2025، بەبێ ئەوەی هۆکارەکەی ئاشکرابکات بڵاوی کردووەتەوە، رێگەی چوونی ئۆتۆمبێل بۆ گۆمەکە بەڕووی گەشتیاران و هاوڵاتییان بەشێوەیەکی کاتی داخراوە.

گەشتوگوزاری چۆما،ن تەنیا رێگای چوونی پیادەی هێشتووەتەوە و دەڵێ، بۆ ئەوەیان دەتوانن گەشتیاران بە پیادە سەردانی گۆمەکە بکەن.

دیمەنی داخستنی رێگەی گۆمی فێلاو؛

ئه‌گه‌ر به‌نیازى بچیته‌ گۆمى فێڵاو ئاگادار به‌