هەپەگە وادهڵێت
سوپاى توركیا رۆژانه نزیكهى 350 هێرشى له ئاسمان و زهمین ئهنجامداوه
964+
فهرهاد حهسهن
بهپێی ئامارێک، له مانگى نیسانى رابردوو سوپاى توركیا به فراوانى هێرشهكانى بۆ سهره پێگهكانى ههپهگه ئهنجام داوه، كه رۆژانه به نزیكهى 350 هێرش مهزهنده دهكرێت.
ئامارهكه، ناوەندی راگەیاندن و چاپەمەنی هێزهكانی پاراستنی گهل (هەپەگە) بڵاویكردووهتهوه و دهڵێت، سوپاى توركیا لە مانگی نیساندا نۆ هەزار و 790 جار لە ئاسمان و زەمینەوە هێرشی ئەنجامداوە، لە هێرشە کاندا چوار گەریلا گیانیان لهدهستداوه.
ئاماژه بهوهش كراوه، ئهوان له رێكهوتى 1.3.2025 بههۆى بانگهوازى عهبدوڵا ئۆجهلانهوه ئاگربەستیان راگەیاند و بە هەستیارییەکی زۆرەوە مامهڵهیان لهگهڵ دۆخەکە كردووه.
زۆرترین هێرشهكان بۆ سهر هەرێمی رۆژئاوای زاپ و ناوەندی زاپ ئهنجامدراوه و حهوت جاریش چەکی کیمیایی و تەقەمەنی قەدەغەکراو و بۆمبی فسفۆرى بەکارهێناوه.
بهپێی ئامارهكه، 76 جار بە فڕۆکەی جەنگی هێرشیان ئەنجامداوە، 12 جار بە هەلیکۆپتەری شەڕ، دووجار بە درۆنی بۆمبڕێژکراو و نۆ ههزار و 693 جاریش بە چەکی قورس لهوانهش تۆپهاوێژ و هویتزەر هێرشهكانیان ئەنجامداوه.
هەپەگە: سێ سەربازی تورکیا لە هەرێم کوژران
هەپەگە: لە هەرێم 16 سەربازی تورکیا کوژران
