رووبارهكه له شانهدهر پاككرایەوە
بارانى زۆر دنیایهک پاشماوهى له باكوورى كوردستانهوه هێنایه باشوور
964+
فهرهاد حهسهن
بههۆى بارینى بارانێكی زۆر ئهو رووبارهى له چهند ناوچهیهكی باكوورى كوردستانهوه دێته ناو باشوور و به بهشێكى ئیدارهى سۆران به سنوورى بارزان تێدهپهڕێت، دنیایهك پاشماوهى جۆراوجۆرى لهگهڵ خۆى هێنابوو، بهڵام لهلایهن چهند تیمێكی جیاوازهوه له شوێنێكی مهند، رووبارهكه پاككرایهوه.
ملازم سدیق حهسهن، بهڕێوهبهرى هۆشیاری و راگهیاندنى بهتالیۆنى ژینگهپارێزى بارزان، به 964ـى وت، بارانى زۆر ئهو پاشماوانهى له ناوچهكانى باكورى كوردستانهوه هێنابووه سنوورهكهیان و ئهوانیش له نزیك شانهدهر رووبارهكهیان لهو پاشماوانه پاككردهوه.
تیمهكانى بەرگریی شارستانیی سۆران، مێرگەسۆر، خەبات و کەلەک ههماههنگی بهتالیۆنهكهى بارزان بوون بۆ چاككردنهوهى رووبارهكه.
وتیشی، “بهدرێژانى نزیكهى 60 مهتر رووبارهكه لهو پاشماوانه پاككرایهوه كه زۆربهى پاشماوهكان بریتی بوون له دهبى ئاو، نهعل و چهند ماددهیهكی دیكهى پلاستیكى”.
زیاتر له 15 عهلاگه دهبه و نهعل و شتى دیكهیان لهناو رووبارهكه كۆكردووهتهوه، كه ههر عهلاگهیهك نزیكهى 20 كیلۆگرام دهبێت.
ئاماژهى بهوهش كرد، ئاوى ئهم رووباره هێشتا روون نهبووهتهوه، تا باران بهردهوام بێت ههر به شێلویی دهمێنێتهوه.
ئاژهڵى كێوى بههۆى بهفر و برسیەتى هاتوونهته ئاواییهكانی بارزان
بزنه (نێری)یە نەخۆشەکە نەیتوانی بگەڕێتەوە ناو سروشتى بارزان
