دیمهنێكى كاتى سهردانى لیژنهكه بهسهر یهكێك له كانهكان... وێنه: فهرمانگهى ژینگهى ههڵهبجه.
"مۆڵهت وهربگرن سزا نادرێن"
ژینگهى ههڵهبجه دوا ئاگاداركردنهوهى دایه ژمارهیهك كانه بهردى سنوورهكهى
964+
فهرهاد حهسهن
ژینگهى ههڵهبجه، لهرێگهى لیژنیهكی تایبهتهوه سهردانى ژمارهیهك ئهو كانانهى كرد كه له سنوورهكهیدا شاخ و كێوهكان دهبڕن و بهرد و تێكهڵه دهردههێنن، دوائاگاداركردنهوهدان پێدان، كه خۆیان بكهن خاوهن مۆڵهتى ژینگهیی دهنا سزایان دهدهن.
ئەمڕۆ چوارشەمه 23.4.2025 لیژنەی پشکنین و بەدواداچوونی فەرمانگەكه سەردانی ئهم كانانهى لە سنوری هەورامان و دەرەشیش و تەپەکوڕە كرد، بە مەبەستی ئاگادارکردنەوەیان لە رێنمایی ژینگەیی و پابەندکردنیان.
فهرمانگهكه بڵاویكردهوه، كه کۆتا ئاگادارکردنەوەیان پێدرا کە بەبێ مۆڵەتی ژینگەیی کار نەکەن.
پێشتر و لهسهر ههمان بابهت ئەندازیار سەرهەنگ عەبدولڕەحمان، بەڕێوەبەری فەرمانگەی ژینگەی هەڵەبجە به 964ـى راگهیاند، بڕینی شاخ و تێکدانی سروشت پێویستى به وهرگرتنى مۆڵهتی ژینگهیی ههیه، پێش ئهوهى كارى تێدا بكرێت.
وتیشی “خاوهن پڕۆژهكان زۆربهیان وادهزانن ئهگهر مۆڵهتى لایهنێكیان بۆ كاركردن وهرگرت، پێویست ناكات مۆڵهتى لایهنه پهیوهندیدارهكانى دیكه و بهتایبهتیش فهرمانگهى ژینگه وهربگرێت، بۆیه زۆرجاران رووبهڕووى ئهم بهدحاڵیبوونهى خاوهن پڕۆژهكان دهبینهوه”.
ئهوهشی روونكردووهتهوه، كه ئهگهر لهحاڵێكدا خاوهن پڕۆژهكه ئاماده نهبوو، ئهوان سزاى دهدهن و لهرێگهى تۆمار كردنى سكاڵا رووبهڕووى دادگاى دهكهنهوه.
ژینگهى ههڵهبجه دهستى به دابهشكردنى 30 ههزار نهمامهكهى عێراق كردووه
ژینگهى ههڵهبجه رێكارى یاسایی بهرامبهر دوو سهرپێچیكار دهگرێته بهر
