مانگ مارکێت و پیتزای کەرکوک لە هەولێر داخران - وێنە: قایمقامیەتی هەولێر
خۆراکی ماوەبەسەرچوویان هەبوو
مانگ مارکێت و پیتزای کەرکوک لە هەولێر داخران
964+
شۆڕش قادری
لە رێگای کۆڕنیش لە هەولێر، مانگ مارکێت و پیتزای کەرکوک داخران، لەبەر ئەوەی مۆڵەتی تەندروستیان نییە و خۆراکی ماوەبەسەرچووشیان هەبووە.
بەپێی راگەیەندراوێکی قایمقامیەتی هەولێر، شەوی رابردوو، لیژنەی پشکنین و چاودێریکردنی بازاڕ، لە چوارچێوەی هەڵمەتی چاودێریكردنی بازار و رێگەگرتن لە ساخکردنەوەی خۆراکی ماوهبەسەرچوو، لە رێگای کۆڕنیش، 12 شوێنیان وەک مارکێت، چێشتخانە، سەمونخانە و گۆشتفرۆش بەسەرکردووتەوە.
دوای پشکنین و بەدواداچوون و لێپرسینەوە لە نرخ و كوالێتی شوێنەکان و خۆراکی بەسەرچوو و ناتەندروست، لە کۆی ئەو 12 شوێنە، دوو شوێن بەناوەکانی مانگ مارکێت و پیتزای کەرکوک بەهۆی نەبوونی مۆڵەتی تەندروستی و هەبوونی خۆراکی ماوەبەسەرچوو داخران، ئەو شوێنانەشی کەم و کوڕییان هەبوو، هۆشداریان پێدرا لە زووترین کاتدا سەردانی قیمقامیەتی ناوەندیی و لایەنی پەیوەندیدار بکەن.
قایمقامیەتی هەولێر دەستخۆشیش لە سەمونخانەی مانگ و سوپەرمارکێتی تیم مارت دەکات، چونکە پابەندی رێنماییە تەندروستییەکان و رێکارە یاساییەکان بوون.
سێ تاقیگەی نایاسایی سوتەمەنی لە هەولێر داخران
