دیمەنی بەشێکی زەویەکە... وێنە؛ دەزگای کاروباری مین.
شوانهكان ئاگاداربن تخونى ئهو زهویه نهكهونهوه
له زاويته دهست به پاككردنهوهى زیاتر له 27 دۆنم زهوى مینڕێژكراو دهكرێت
964+
فهرهاد حهسهن
دهزگاى مینى ههرێم زهوییهكى نوێی مینڕێژكراوى دهستنیشان كردووه و ئامادهى كردووه بۆ پاككردنهوه، له ئێستاشهوه هاوڵاتیان و شوانهكانى سنوورى ناحیهى زاویتهى سهر به دهۆكى ئاگادار كردووهتهوه لهو زهویه مینڕێژكراوه نزیك نهكهونهوه.
رووبهرى زهویهكه 68 ههزار و 480 مهتر دووجا، كه دهكاته زیاتر له 27 دۆنم.
كاروبارى مینى دهۆك دهڵێت، دهستیان به رێكارهكانى پاككردنهوهى ئهو زهویه كردووه و ئهمڕۆ بهشهكانى دڵنیایی جۆرى، هۆشیاری و راگهینادنى بهڕێوهبهرایهتییهكهیان راسپارد و سهردانى زهویهكهیان كردووه، لهرێگهى ئهوانیشهوه لایهنه پهیوهندیدارهكانی سنوورهكهیان ئاگادار كردووهتهوه كه تیمى DD1 دهست به پاككرنهوهى زهویهكه دهكهن.
زهویهكه ناوی “سن سهخهر” ـهو كهوتووهته گوندى زاویتى لهسنوورى ناحیهكه و كۆدهكهى IK10030 مینهكانى بۆ سهردهمى ساڵى 1980 دهگهڕێتهوه كه حكومهتى پێشووى عێراق لهو شوێنه چاندوونى و ئهوهى تیبینیشیان كردووه مینهكان له جۆرى V96،VAR40،VS50،PMN،TS50 UXO لهناو زهیهكهدان.
مینى دهۆك 227 گولـلهتۆپیان له زاخۆ ههڵگرتهوه
لافاوهكهى دهۆك 150 تهقهمهنى هێنایه ناو ئاوهدانییهكان
