دوو شۆفێری بارهەڵگر دەستگیرکران و بارهەڵگرەکانیش دەستیان بەسەرداگیرا - وێنە: پۆلیسی دارستان و ژینگەی سلێمانی
"لەسەر رێگای پێنجوێن – سەیدسادق مەترسیان دروستکردووە"
دوو شۆفێر تانکەر دەستگیرکران؛ تانکەرەکانیش دەستیان بەسەرداگیرا
964+
شۆڕش قادری
دوو تانکەر لە رێگای نێوان پێنجوێن – سەیدسادق هەر رۆیشتوون و سووتەمەنیان رشتووە، پۆلیسی دارستان و ژینگە لە شۆفێرەکانیان خۆش نەبوو و دەستگیری کردن، تانکەرەکانیش دەستیان بەسەرداگیرا.
هێمن کەمەرخان وتەبێژی پۆلیسی دارستان و ژینگەی سلێمانی بە 964ـی وت، “لە شەقامی سەرەکی نێوان قەزای پێنجوێن و سەیدسادق، دوو شۆفێری بارهەڵگر لە لایەن کارمەندانی بەشی پۆلیسی دارستان و ژینگەی پێنجوێنەوە دەستگیرکراون کە هەستابوون بە گواستنەوەی سووتەمەنی، بەڵام بەهۆی لێچوون و رژانی سووتەمەنی و بڵاوبوونەوەی بەسەر شەقامەکەدا، مەترسیان بۆسەر گیانی شۆفێرانی دیکە دروست کردبوو”.
ئاماژەی بەوەشکرد، هەردوو بارهەڵگرەکەدا دەستیان بەسەرداگیراوە، دادوەر لە رووداوەکە ئاگادار کراوەتەوە و لێکۆڵینەوە لەگەڵیان بەردەوامە.
لەسەر رێگەی پێنجوێن؛ 33 تانکەر رۆنی رەشیان رشتووە
