دیمەنی کارکردن لە نەخۆشخانەی گشتتی کەلار - وێنە؛ پێگەی نەخۆشخانەکە لە فەیسبووک
چارەخوازان بچن
نەخۆشخانەی کەلار؛ ئیتر پێنجشەممان بەشی راوێژکاری کراوە دەبێ
964+
ئەحمەد مستەفا
لەمەودوا چارەخوازان دەتوانن رۆژانی پێنجشەممە سەردانی بەشی راوێژکاری بەیانیان لە نەخۆشخانەی گشتی کەلار بکەن، ئەوەش بە مەبەستی سەردانی پزیشک و وەرگرتنی چارەسەر.
نەخۆشخانەکە ئەمڕۆ پێنجشەممە 17.4.2025، بەشی راوێژکاری کردەوە، کە ماوەیەک بوو رۆژانی پێنجشەممە نەدەکرایەوە، بەڵام ئەمڕۆ خەڵک چوون و چارەسەریان بۆ کراوە.
لە راگەیەندراوێکدا دەڵێت، لە سۆنگەی هەستکردن بە بەرپرسیارێتییەوە بەرامبەر بە تەندروستی هاوڵاتییان و لەپێناو باشترکردنی پێشکەشکردنی خزمەتگوزاریی تەندروستی بە چارەخوازان، هەستاون بە دانانەوەی دەوامی فەرمی بەشی راوێژکاری بەیانیان لە نەخۆشخانەکەیان لە رۆژانی پێنجشەممە دا.
ئیدارەی نەخۆشخانەکە باسی لەوەکردووە، وەک ئیدارەکەیان، سوپاسی سەرجەم پزیشکان و کارمەندانی تەندروستی لە نەخۆشخانەکەیان دەکەن، کە هەمیشە لە خزمەتی چارەخوازاندا بوون.
