964+

شۆڕش قادری

چەند رۆژێکە نرخی نەوت لە خوار 65 دۆلارەوە هەڵبەز و دابەز دەکات و ئەمڕۆش کەمێکی دیکە دابەزی.

ئەمڕۆ چوارشەممە 16.4.2024 لەکاتی کردنەوەی بازاڕی جیهانیی نەوت، نرخی یەك بەرمیل نەوتی برێنت بە 64 دۆلار و 54 سەنت دیاریکراوە و بەراورد بە ئێوارەی دوێنێ، نرخەکەی 0.20% دابەزیووە.

هەروەها یەك بەرمیل نەوتی سووكی تێكساس بە 61 دۆلار  و 20 سەنت مامەڵەی پێوە دەکرێت و نرخەکەی 0.21% دابەزیوە.

لە ماوەى یەک هەفتەدا نرخى نەوت بەشێوەیەکى بەرچاو دابەزیوە، بەشێوەیەک هەر بەرمیلێک سەروو 15 دۆلارى لێبووەتەوە.

نزیکەی دوو هەفتە لەمەوبەر دۆناڵد ترەمپ سەرۆکی ئەمریکا بڕیاریدا باجى گومرگى بەسەر ژمارەیەک وڵاتدا بسەپێنێت، ئەوەش شڵەژانى ئابوورى و بازرگانى دروستکرد و دواتر چین وەڵامى دایەوە و بڕیاریدا ئەویش باجى گومرگى بەسەر کاڵاى ئەمەریکیدا بسەپێنێت، ئەمە هۆکارى سەرەکى دابەزینى نرخى نەوت بوو.

لەگەڵ ئەوەشدا زیادکردنى بەرهەمهێنانى نەوت لەلایەن هەشت وڵاتى ئەندامى ئۆپیک هۆکارێکى دیکەى دابەزینى خێراى نرخى نەوت.

عێراق یەکێکە لەو وڵاتانەى لە دابەزینى نرخى نەوت توشى زیانێکى زۆر دەبێت، چونکە 95%ـى داهاتەکەى پشت بە هەناردەى نەوت دەبەستێت.

وەزیری نەوتی ئێران سەردانی عێراق دەکات

نرخی نەوت نزیک بووتەوە لە 65 دۆلار

964+
ئەحمەد مستەفا

لە گوندی کوڵکنی ناحیەی خورماڵ هەڵوژە ترشە سەوزەکە پێ گەیشت، جوتیارێکی گوندەکە کە دەست رەنگینە لە بەرهەمهێنانی چەندین جۆر بەرهەمی کشتوکاڵی، بە نرخێکی هەرزان دەرگای باخەکەی بۆ هەڵوژە ترشەکە بە رووی کڕیاران کردەوە.

ئەو بە 964ی وت، دەمەوێ بە هاوڵاتیان بڵێم، کیلۆی 100 هەزاری پێمەدەن، لێرە تەنیا بە پێنج هەزار دینارە.

فەلاح کوڵکنی، جوتیارێکی دەشتی شارەزوور، لە باخەکەی خۆیدا، جگە لە هەڵوژە، ساڵانە چەندین جۆری دیکەی میوە و بەرهەمی کشتوکاڵی لە (ترێ، قەیسی، کاڵەک، هەنار و بامیە و کولەکە و بیبەر) بەرهەم دەهێننێ.

ئێستا لەلای ئەو جوتیارە، دەیان دار هەڵوژە، بەرهەمی هەڵوژەی سەوزە ترشەکەیان پێوەیە و ئامادەن بۆ خواردن، زۆرجار بەهۆی کەمی و دەگمەنی ئەو جۆرە هەڵوژەیە، نرخەکەی لە بازاڕدا تا 300 هەزار دینار دەڕوات ق دواتر نرخەکەی دادەبەزێت.

بەڵام، لێرە نرخەکەی زۆر هەرزانە و خۆشت لێی بکەیتەوە بە دڵی خۆت، هەر پێنج هەزار دینار بۆ یەک کیلۆ لێت وەردەگرێ.