964+

ئەرسەلان عەبدوڵا

یەکێتیی گشتیی نووسەرانی عێراق، رایانگەیاند بەشداری لە پێشانگای نێودەوڵەتیی كتێبی هەولێر دەكەن، كە چوارشەممە دەكرێتەوە.

یەكێتییەكە لە راگەیاندراوێكدا ئەمڕۆ یەكشەممە 6.4.2025 لە راگەیاندراوێكدا ئاماژەی بەوە كرد، یەکێتیی گشتیی نووسەرانی عێراق لە رێگەی بڵاوکراوەکانیەوە بەشداریی 17مین پێشانگەی نێودەوڵەتی هەولێر بۆ كتێب دەكات، نوێترین بڵاوکراوەی نووسەرانی عێراق لەوێ نمایش دەكەن.

هەروەها ئاشكرایان كرد، بە زیاتر لە 300 ناونیشان لە كتێبی رەخنەیی، فیکری، شیعری و چیرۆك و رۆمان بەشداریی دەبن، جگە لە گۆڤارە بەناوبانگەکانی یەکێتییەکە”.

بڕیارە چوارشەممە 9ی نیسان تا 19ی مانگ، پێشانگەی نێودەوڵەتیی هەولێر بۆ كتێب بكرێتەوە، كە خولی 17ـەمینە و خانەی بڵاوكردنەوەی مەدا بە هاوبەشیی میدیایی تۆڕی 964 بەڕێوەی دەبەن.

ئاژانسی فرانس پرێس بۆ یەكەمجار پێشانگەیەكی فۆتۆگرافی لە هەولێر دەكاتەوە

964+

ئەرسەلان عەبدوڵا

وەزارەتی کار و کاروباری کۆمەڵایەتیی عێراق، میکانیزمێکی نوێی بۆ دامەزراندنی کرێکاری بیانی لە پسپۆڕییە پزیشکییەکان خستەڕوو، هاوکات دووپاتیان کردەوە دامەزراندنی هەر 20 کرێکاری بیانی بەرامبەر دەبێت بە دامەزراندنی 80 عێراقی.

وتەبێژی وەزارەتی کار، حەسەن خەوام ئەمڕۆ شەممە بە ئاژانسی هەواڵی عێراقی راگەیاندووە: “بەشی کار و راهێنانی پیشەیی تیشکی خستە سەر جێبەجێکردنی بڕگەکانی یاسای کار، ژمارە 37ی ساڵی 2015. ئاماژەی بەوەش کرد، وەزارەتەکە داوای کردووە لە میانی ئەو کۆبوونەوەیەی لە نێوان راوێژکاری سەرۆکوەزیرانی عێراق بۆ کاروباری تەندروستی و بەڕێوەبەری گشتیی بەشی کار و راهێنانی پیشەیی بەڕێوەچوو، پسپۆڕی دەگمەنی پزیشکی بهێنرێتە ناو عێراق، وەک پەرستاری لێهاتوو و پسپۆڕی دەگمەنی بواری تەندروستی.

هەروەها دەڵێت، وەزارەتەکەیان داوای کردووە بڕگەیەک جێبەجێبکرێت کە بەپێی ئەو بڕگەیە بۆ هەر 20 کەسێک بهێنرێتە ژوورەوە، 80 عێراقی وەك دەستی کار دابمەزرێن، وەك جێبەجێكردنی بەرنامەی حكومەت، كە بریتییە لە دابینکردنی هەلی کار و نەهێشتنی بێکاری.

خەڵکی کەرکوک چاوەڕێی 3000 هەلی کارن؛ پاڵاوگەیەکی نەوت بۆیان دەڕەخسێنێت