964+

دیلان محەمەد جەزا

ئەمڕۆ پرسەی رۆژنامەنوسی کورد بەڵێن ساڵح لە سلێمانی لە مزگەوتی ئەحمەدی حاجی عەلی بەڕێوەدەچێت.

بەڵێن ساڵح شەوی 30.3.2024 لە وڵاتی ئەمریکا بە جەڵدەی دڵ کۆچی دوایی کردووە و لە ویلایەتی فێرجینیا بەخاک سپێردراوە.

بەڵێن ساڵحی رۆژنامەنوس برای دکتۆر بەرهەم ئەحمەد ساڵحە و لەساڵی 1996ـەوە چووتە ئەمریکا و لە ساڵی 1999ـەوە لە دەنگی ئەمریکا بەشی کوردی کاری کردووە.

پێداچوونەوە: توانا نەقی

بەڵێن ساڵح میدیاکاری دیاری کوردی دەنگی ئەمریکا کۆچی دوایی کرد

964+

شۆڕش قادری

نانەواخانەکانی سۆران ئاگادار بن، بۆ لەمەودا دەبێ نرخ هەڵبواسن و وەستا و کرێکارەکانیشتان سەدریە بپۆشن و کڵاو لەسەر بکەن، قژ و ریشیشیان کورت بکەنەوە، ئەگەرنا سزا دەدرێن.

جومعە عەلی سەرۆکی لیژنەی پشکنین و چاودێری بازاڕ لە بەڕێوەبەرایەتی چاودێری بازرگانی سۆران بە 964ـی وت، چەند رێنماییەکمان ئاڕاستەی گشت نانەواخانە و سەمونخانەکانی سنووری ئیدارەی سەربەخۆی سۆران کردووە و بەپێی رێنماییەکان، سەمونخانە حجرییەکان دەبێت تەنها یەک جۆر سەمونیان هەبێت بەیەک قەبارە بۆ هاوڵاتیان و گەس فرۆشەکانیش یەک جۆر بێت، بەپێچەوانەوە رێکاری توندیان بەرامبەر دەگیرێتەبەر.

ئاماژەی بەوەشکرد، کێشی ئەنگوتک لە نانەواخانەکان بۆ هەر یەک هەزار دینار دەبێت کەمتر لە 800 گرام کەمتر نەبێت.

هەربەپێی رێنماییەکان، دەبێت گشت نانەواخانە و سەمونخانەکان نرخ هەڵبواسن و وەستا و کرێکارانی ناو فڕنیش دەبێ سەدریە و کڵاویان لەبەر بێت، قژ و ریش و نینۆکیشیان نابێت درێژ بن.

وێنەیەکی رێنماییەکەی بەڕێوەبەرایەتی چاودێری بازرگانی سۆران لە خوارەوە:

وێنەیەک چاودێریی بازرگانی سۆرانی بردە لای نانەواخانە و سەموونخانەکان

لە سۆران نانەواخانەیەک داخرا و سێ شوێنکار و نۆ سەرتاشخانەش سزا دران