بەستنی پێشکەوتووترین ئامێری مەمۆگرافی لە هەڵەبجە کۆتایی هات

964+

ژووری هەواڵ

ئامێرێکی مەمۆگرافی لە سەنتەری نەخۆشیەکانی مەمک لە هەڵەبجە خرایە کار، تەندروستی شارەکەش دەڵێت، “پێشکەوتووترین ئامێرە”.

ئامێری مەمۆگرافی بۆ دەستنیشانکردنی پێشوەختەی شێرپەنجەی مەمک و دۆزینەوە و دەستنیشانکردنی نەخۆشی مەمک لەو ئافرەتانەی کە کێشەی مەمکیان هەیە، بەکاردێت.

د. ئازاد مستەفا، بەڕێوەبەری تەندروستی هەڵەبجە بە 964ـی راگەیاند، ئامێرەکە دروستکراوی وڵاتی ئەمریکایە و “خوا یار بێت لە ئایندەیەكی نزیكدا بۆ خزمەتی هەڵەبجە دەكەوێتە كار و بە فەرمی سەنتەرەکە دەکرێتەوە”.

ئامێرەکە بە 500 ملیۆن دینار لەسەر بودجەی سندوقی کۆمەک بۆ تووشبووانی شێرپەنجەی سلێمانی کڕدراوە، رۆژی 25.3.2025 گەیشتە شاری هەڵەبجە و دوێنێ بەستنی ئامێرەکە تەواو بووە.

تەندروستی هەڵەبجە هەفتەی راهێنان و نوێکردنەوەی زانیاری پزیشکی راگەیاند