چی دەكەن بۆ ئەوەی لە گەشت و سەیران و وەرزی بەهاردا سەلامەت بن؟

964+

ئەرسەلان عەبدوڵا

بەڕێوەبەرایەتیی بەرگریی شارستانیی هەولێر، كۆمەڵێك رێنمایی و ئاگاداری بڵاوكردەوە، بۆ ئەوەی هاوڵاتیان پێوەی پابەندبن لە وەرزی بەهار و لە كاتی ئەنجامدانی گەشت و سەیران.

رێنماييەکانی بەڕێوەبەرايەتیی بەرگریی شارستانی پارێزگای هەولێر بۆ هاوڵاتيان لە وەرزی بەهار ئەمانەن:

1-  لە کاتی گەشت و سەيران گشت ئامێرە کارەباييەکانی ماڵەوە بکوژێنەوە، قفڵی غاز بە کراوەيی جێمەهێڵە

2-  شوێنی گەشتکردنت بە خاوێنی جێبهێڵە بۆ پاراستنی ژينگە و ۆووداوی نە خوازراو

3-   ياریی ئاگرين ياخود تەقەکردن بە چەك لە شوێنە گەشتياريیەکان رێگەپێدراو نيیە و بەکاريان مەهێنە

4-  ئاگر بە هەڵگیرساوی جێمەهێڵە

5-  تايە و ماددەی نايلۆن و پلاستيك مەسووتێنە و بۆ پیسبوونی ژینگە مەترسیدارە

6-  ئامێری ئاگرکوژێنەوەی دەستی و بەتانی ئاگرکوژێنەوە گرنگە لە ماڵ و لە ناو ئۆتۆمبێل پێت بێت

7-  پاشماوە و زبڵ و خاشاك و جگەرە لە ناو ئۆتۆمبێل فڕێمەدەن

8-  ئوتۆمبێلەکانتان بەدوور بگرن لەو شوێنانەی ئاگری لێدەکەنەوە بۆ سەلامەتی خۆتان و ئۆتۆمبێلەکانتان لە سووتان

9-  ئاگاداری منداڵەکانتان بن، بە تايبەتی لەو شوێنانەی ئاوی لێيە، یان چيا و بەرزاييە، تا دووربن لە مەترسی خنکان و هەڵدێران

10- لە کاتی روودانی ئاگرێك يان رووداوی هاتوچۆ، نزيك مەبەوە و  قەرەباڵغی دروست مەکەن، تا کارەساتی تر روونەدات.

11- لە کاتی بوونی هەر مەترسیيەك يان رووداوێکی نەخوازراو يان ئاگرکەوتنەوە، پەيوەندی بکەن بە هێڵی گەرمی بەڕێوەبەرايەتیی بەرگریی شارستانیی هەولێر 115 و 125.

بەرگریی شارستانیی هەولێر هاوڵاتییەكیان رزگار كرد