"لەپێناو پاروویەک نان و کڕینی جەژنانە بۆ منداڵە ساواکەی کوژرا"
باوکی کۆڵبەرێک دوای کوژرانی کوڕەکەی گلەیی لە بەرپرسانی ئێران دەکات
964+
شۆڕش قادری
باوکی سینا رۆستەم پوور ئەو کۆڵبەری لە سنووری شاری بانەی سەربە پارێزگای سنە لە رۆژهەڵاتی کوردستان کوژرا، چووەتە سەر گۆڕی کوڕکەی و گلەیی لە هێزە ئەمنییەکان و بەرپرسانی شارەکە و ئێران دەکات.
سینا رۆستەم پوور تەمەن 24 ساڵ و کۆڵبەری خەڵکی شاری بانە لە بەرەبەری نەورۆزدا و لەکاتی کۆڵبەریدا کوژرا و دوای خۆیشی، ژنێک و منداڵێکی یەک مانگانەی بەجێهێشتووە.
بەپێی ئەو گرتەڤیدیۆیەی دەست 964 کەوتووە، باوکی سینا چووەتە سەر گۆڕی کوڕەکەی و بە تووڕەیی و دڵێکی پڕەوە دەڵێت، کوڕەکەی بۆ پاروویەک نان و کڕینی پێداویستی جەژن، ناچاربووە کۆڵبەری بکات و خوێنی بە ناحەق رژاوە.
بەپێی راپۆرتی رێکخراوەکانی مافی مرۆڤ، لە ساڵی 2024، 57 کۆڵبەر لە سنورەکانی نێوان هەرێم و رۆژهەڵاتی کوردستان کوژراون و گیانیان لەدەستداوە و زیاتر لە 280 کۆڵبەریش برینداربوون.
رەقبوونەوە لە بەفردا؛ 24 کۆڵبەر کوژراون یان گیانیان لەدەستداوە
