کۆنووسی دانیشتوانی گوند و دیمەنێکی گوندی ناوەندە.... وێنە؛ هونەر کەوەرتەیی.
"هه‌ر جوتیارێك یه‌ك پارچه زه‌وى بكاته بێستان"
گوندێكی باڵه‌كایه‌تى رێدەکەون ئه‌و ئاوه‌ى هه‌یانه چۆن به‌كاری بهێنن
964+
فه‌رهاد حه‌سه‌ن
هاوڵاتیانى گوندێكی “ناوەندە”ی باڵه‌كایه‌تى كۆنووسێكیان ئیمزاكرد، بۆ ئه‌م ئاوه‌ى ئه‌مساڵ هه‌یانه بۆ كشتوكاڵكردن، به‌پێی به‌رنامه و پلانێك دابه‌شی بكه‌ن و هیچ كه‌سێك مه‌غدوور نه‌كرێت و هه‌موو هاوڵاتیان وه‌كو یه‌ك سوودى لێوه‌ربگرن.
كۆنووسه‌كه له‌لایه‌ن ئه‌نجومه‌ن و موختاری گونده‌كه چه‌ند كه‌سایه‌تییه‌ك واژۆ كراوه و ده‌ڵێت بۆ به‌رژه‌وه‌ندى گشتى ئه‌م كاره‌یان كردووه.
به‌پێی ئه‌و بڕیارانه‌ى له‌ناو كۆنووسه‌كه دراون، له‌كاتى شه‌ودا ئاو ده‌درێته باخچه‌كانى گوند و به رۆژیش بۆ ئاودانى بێستانه‌كان ده‌بێت.
ئه‌مساڵ هه‌ر خاوه‌ن موڵكێك ده‌توانێت ته‌نیا یه‌ك پارچه زه‌وى بۆ بێستان كردن به‌كاربهێنێت، چ خۆى ئه‌م كاره بكات چ وه‌كو سه‌پانى بیداته خه‌ڵكی دیكه.
هه‌ر خاوه‌ن موڵكێك زه‌ویه‌كه‌ى گه‌وره و فراوان بێت پێویسته له سێ به‌ش دوو به‌شی بچێنن و ئه‌و موڵكانه‌ش كه كاتى خۆى به جۆگا ئاویان بۆ نه‌چووه ئه‌مساڵ ناتونن بیكه‌ن بێستان.
ئاماژه‌ى به‌وه كراوه كه ئه‌م كۆنووسه ته‌نیا بۆ ئه‌مساڵ كارى پێده‌كرێت و ده‌شڵێن، هه‌ر خاوه‌ن موڵكێك پابه‌تندنه‌بێت لێپرسینه‌وه‌ى له‌گه‌ڵدا ده‌كرێت و به‌رپرسیار ده‌بێت.
گەرمیان به‌هۆى كه‌مبارانى مەترسی وشکەساڵی لێ نیشتووه
بەهۆی وشکەساڵییەوە 20 پرۆژەی ماسی داخراون
