964+
ئەحمەد مستەفا

کردنەوەی ئاگر و مەراسیمی نەورۆز لە سلێمانی بەسەرکەوتویی و بەبێ هیچ رووداوێکی نەخوازراو بەڕێوەچوو، هێزە ئەمنییەکان و سەرجەم فەرمانگە خزمەتگوزارییەکان و تەواوی فەرمانگەکان بەوپەڕی دڵسۆزییەوە وەکو یەک تیم کاریان کردو رێگەیان نەدا روداوی نەخوازراو دۆخی چالاکییەکان و دڵخۆشی هاوڵاتیان تێک بدات.

ئەوە قسەی ئاوات محەمەد، قایمقامی سلێمانییە کە بەبۆنەی مەراسیمەکانی نەورۆز پەیامێکی بڵاوکردووەتەوە.

قایمقام لە فەیسبووکی فەرمانگەکەی ئەوەشی نوسیوە، دەستخۆشی لە هاوڵاتیانی شاری سلێمانی و لایەنە ئەمنی و خزمەتگوزارییەکان دەكەم، کە سەرەڕای زۆری چالاکییەکان و کۆبوونەوەی ژمارەیەکی زۆری هاوڵاتیان و گەشتیاران لە چەند شوێنێکی جیاواز، تەواوی مەراسیمەکانی رۆژی نەورۆز و کردنەوەی ئاگر بەسەرکەوتویی و بەبێ هیچ روداوێکی نەخوازراو ئەنجام دران.

سەرباری هۆشیاری و دڵسۆزی هاوڵاتیانی شارەکەمان، هێزە ئەمنییەکان و سەرجەم فەرمانگە خزمەتگوزارییەکان و تەواوی فەرمانگەکان بەوپەڕی دڵسۆزییەوە وەکو یەک تیم کاریان کرد و رێگەیان نەدا رووداوی نەخوازراو دۆخی چالاکییەکان و دڵخۆشی هاوڵاتیان تێک بدات، ئاوات محەمەد وای نوسیوە.

دەنگوباسی نەورۆزی کوردستان و رووداوە گرنگەکان لە نۆرادیۆی ئەمجارە

964+

هێڤی دێوالی-دهۆک

لەنزیک شەقامی سەرەکیی بارزان لە دهۆک، کارگەییەکی دروستکردنی قەنەفە ئاگری گرتووە، بەرگریی شارستانیش دەڵێت، تا ئێستا هوکاری ئاگرەکە نەزانراوە.

ئەمڕۆ دووشەممە2025.3.24، لە نزیک کاتژمێر 9:00 لە گەڕەکی حەی شوڕتە لە نزیک شەقامی سەرەکیی بارزان  لە رۆژهەڵاتی شاری دهۆک، کارگەیەکی دروستکردنی قەنەفە سووتاوە و نهۆمی سەرەوەی بیناکەش دوکانی پێداویستی جوانکاری ئۆتۆمبێلی تێدایە، تیمی ئاگرکوژێنەوە خەریکی کۆنتڕۆڵکردنی ئاگرەکەن.

بێوار عەبدولعەزیز، وتەبێژی بەرگریی شارستانیی دهۆک بە 964ـی وت، کارگەیەکی قەنەفە لە ژێرزەمینی باڵەخانەیەکدا سووتاوە و تیمەکانی ئاگرکوژێنەوە لە هەوڵی کۆنترۆڵکردنی ئاگرەکەدان.

وتیشی، تا ئێستا هۆکاری ئاگرەکە نەزانراوە و دوای کۆنتڕۆڵکردنی ئاگرەکە لەلایەن تیمەکانمانەوە لێکۆڵینەوە لەسەر رووداوەکە دەکرێت.

پێداچوونەوە: ئەرسەلان عەبدوڵا