بە کڵاشینکۆف
زانیاری زیاتر لەسەر ئەو گەنجەی خۆی و بنەماڵەکەی قەتلوعام کرد
964+
دیلان محەمەد- سلێمانی
لێکۆڵینەوەکان بەردەوامە و شەش تەرمەکەی گرێزە بۆ گوندەکەیان بەرێکران و دەوترێت، گومانلێکراو چوار رۆژ پێش ئێستا گەڕاوەتەوە کوردستان.
درەنگانی ئەمشەو هەواڵی کوژرانی شەش ئەندامی خێزانێک لە گوندی گرێزەی سەر بە قەزای سەیدسادق بڵاوکرایەوە، بەپێی سۆراغی 964 ئەوانەی کوژراون، دایک، باوک، دوو خوشک و برایەکی بکوژ بووە، کە دواتر بکوژ کۆتایی بە ژیانی خۆشی هێناوە.
بە دیاریکراوی روون نییە هۆکاری رووداوەکە چی بووە، بەڵام باس لە کێشەی کۆمەڵایەتی دەکرێت و سەرچاوەیەکی ئەمنیش دەڵێت، بکوژ لە دەرەوەی وڵات گەراوەتەوە و کڵاشینکۆفی پێبووە، باوکیان نەشتەرگەری سنگی بۆ ئەنجامدراوە.
پێداچوونەوەی: پەری ساڵح
