پردی تەعجیل نۆژەن دەکرێتەوە، فۆتۆ: راگەیاندنی ئاوەڕۆی هەولێر
لە هەولێر
پردی تەعجیل نۆژەن دەکرێتەوە
964+
ئەرسەلان عەبدوڵا
بەڕێوەبەرایەتیی ئاوەڕۆی هەولێر بڵاویكردەوە، پردی تەعجیل كەڵكی نەماوە و نۆژەن دەكرێتەوە.
راگەیاندنی بەڕێوەبەرایەتییەكە دەڵێت، لەسەر فەرمانی پارێزگاری هەولێر ئومێد خۆشناو، پردی تەعجیل نۆژەن دەكرێتەوە، چونكە لە چەند شوێنێك پردەكە شكاوە و شێلمانەکانی بەهۆی بەسەرچوونی تەمەنەوە ژەنگیان هەڵێناوە.
ئاماژەیان بەوەش كردووە، بەڕێوەبەری ئاوەڕۆی هەولێر ئەندازیار زەردەشت سەرسام سەردانی شوێنی پردەكەی كرد و رێنمایی ئەوەی داوە پەلە بكرێت لە كارەكانی نۆژەنكردنەوە.
بەپێی ئەو وێنانەی راگەیاندنی ئاوەڕۆی هەولێر بڵاویكردوونەتەوە، بنمیچی پردەكە هەڵدراوەتەوە و ئیشكردن لەو پردەدا دەستیپێكردەوە.
پردی تەعجیل دەكەوێتە نێوان هەردوو بەری گەڕەكی تەعجیل و بەپێی ئەوەی راگەیاندنی ئاوەڕۆی هەولێر بڵاویكردووەتەوە، پردەكە مێژووی دروستكردنی بۆ پەنجاكان دەگەڕێتەوە، هەرچەندە لەم ساڵانەی دواییدا كۆنكرێت كرا و ئێستا رێگای پیادە و ئۆتۆمبێلە و دەكەوێتە نزیك بازاڕی مۆبایلفرۆشان و شوێنێكی قەرەباڵغە لە سەنتەری بازاڕی هەولێر.
